INLEIDING
D
ie verkorte gekonsolideerde tussentydse resultate van Senwesbel Beperk
(die “maatskappy”) vir die ses maande geëindig 31 Oktober 2016 sluit in
die maatskappy, sy filiaal en dié se filiale en gesamentlik beheerde on-
dernemings (gesamentlik na verwys as die “groep”).
Die Senwesbel Beperk verkorte gekonsolideerde tussentydse resultate, insluitend
die staat van finansiële posisie, staat van omvattende inkomste, staat van ver-
andering in ekwiteit en kontantvloeistaat vir die ses maande geëindig
31 Oktober 2016, word voorberei ooreenkomstig die vereistes van die Interna-
sionale Finansiële Verslagdoeningstandaarde (International Financial Reporting
Standards (IFRS)) en die interpretasies soos aanvaar deur die Internasionale
Rekeningkundige Standaarde Raad (International Accounting Standards Board),
die Suid-Afrikaanse Instituut vir Geoktrooieerde Rekenmeesters (South African
Institute of Chartered Accountants (SAICA)), Finansiële Rapporteringsriglyne
(Financial Reporting Guides) soos uitgereik deur die Rekeningkundige Praktyke
Komitee (Accounting Practices Committee), finansiële uitdrukkings soos uitgereik
deur die Finansiële Verslagdoeningstandaarderaad (Financial Reporting Stan-
dards Council), die voorleggingsvereistes van IAS 34 Interim Finansiële Verslag-
doening en die vereistes van die Suid-Afrikaanse Maatskappywet, 71 van 2008.
Die rekeningkundige beleid wat toegepas is in die voorbereiding van hierdie
verkorte tussentydse resultate is ooreenkomstig IFRS en is konsekwent met die
rekeningkundige beleide wat toegepas is in die voorbereiding van die groep se
vorige geouditeerde jaarstate.
Hierdie tussentydse resultate is nie geouditeer en ‘n onafhanklike oorsig is nie
gedoen deur die groep se eksterne ouditeure nie. Die tussentydse verkorte fi-
nansiële state sluit nie alle inligting en openbaarmaking in soos vereis in die
jaarlikse finansiële state nie en moet gelees word in samehang met die groep
se jaarlikse finansiële state soos op 30 April 2016.
Alle bates en laste gemeet teen billike waarde is gebaseer op gekwoteerde
markpryse in ‘n aktiewe mark en is derhalwe openbaar as vlak 1. Daar was geen
verandering in vlakke en geen nuwe items is bygevoeg sedert die jaarlikse fi-
nansiële state van 30 April 2016 nie.
Alle bedrae hou verband met die groep se resultate, tensy anders aangedui.
Die direkteure van die groep neem volle verantwoordelikheid vir die voorberei-
ding van hierdie verslag.
Die groep se resultate is voorberei onder toesig van R Wolmarans GR (SA).
DIVIDENDVERKLARING
D
ie raad van direkteure het besluit om die oorweging van ‘n interim dividend
uit te stel na Maart 2017 ten einde eers groter sekerheid te verkry oor die
huidige seisoen se potensiaal.
SENWESBEL TUSSENTYDSE RESULTATE 31 OKTOBER 2016
1