VOORSITTERS-
VERSLAG
GEAGTE AANDEELHOUER
Senwesbel se enigste belegging is steeds die aandele
in Senwes Bpk met die gevolglike instandhouding van
die Senwes Bpk beheerstruktuur. U direksie kyk egter
deurlopend na geleenthede vir groter samewerking met
ander beleggers en vir ander beleggingsgeleenthede in
landbou. Totdat daar beter geleenthede vir samewerking
of waardeontsluiting is, sal beheer oor Senwes behou
word.
Alhoewel Senwesbel se mandaat ook beleggings in ander
maatskappye insluit, is geoordeel dat die beste belegging
in die jaar onder oorsig die verkryging van addisionele
aandele in die Senwes groep was.
Gedurende die jaar is die volgende aandele gekoop:
2 996 023 Senwesbel Bpk aandele – R20,4 miljoen
(R6,80 gemiddeld per Senwesbel aandeel)
705 633 Senwes Bpk aandele – R7,6 miljoen
(R10,77 gemiddeld per Senwes aandeel)
Senwesbel se aandeelprys verhandel teen `n diskonto
gemeet teen die netto batewaarde van `n aandeel soos
op 30 April 2016. Die vergelyking van netto batewaarde
teenoor die markprys vir die afgelope vyf jaar is soos volg:
2016
2015
2014
2013
2012
Netto batewaarde per aandeel (R) R7,44 R7,79 R7,75 R7,06 R6,06
Markprys per aandeel (R) R6,00 R7,00 R5,20 R4,60 R4,50
Die diskonto as die markwaarde van die aandeel gemeet word teen die intrinsieke waarde kan toegeskryf word
aan die lae likiditeit, die beperking op aandeelhouding en die beperking op die kwalifikasie van `n aandeelhouer.
Senwesbel se dividendopbrengs van 4,5% vergelyk goed met 5,3% vir 2015.
Stram ekonomiese toestande weens veral die droogte en die verswakking in die wisselkoers het veroorsaak dat
heelwat meer Senwesbel aandele as gewoonlik te koop aangebied is. Daarteenoor het die vraag na Senwesbel
aandele gedaal.
Die aandeelhouers van die maatskappy is ‘n goeie mengsel van ernstige beleggers en `n groot aantal aandeelhouers
wat goeie dividendopbrengste kry en potensiaal het vir waardeontsluiting.
5
SENWESBEL VERKORTE JAARVERSLAG 2016
Senwesbel Beperk Reg nr: 1996/017629/06