FINANSIËLE HOOGTEPUNTE
Senwesbel het aandeelhouersverdienste van R234 miljoen gedurende die periode onder oorsig gegenereer.
Dividende van R39 miljoen is uitbetaal. Senwesbel het ook ‘n netto groei in ekwiteit van R80 miljoen gereflekteer
en ons kondig graag ‘n verdienste per aandeel van 106.4 sent aan.
‘n Finale dividend van R19 miljoen is voorgestel. Die totale dividend vir die jaar beloop 32 sent per aandeel. Die
direksie spreek graag sy opregte dank en waardering uit teenoor die Senwes bestuurspan vir hul deurlopende
hoë uitsetvlakke in die handhawing van goeie korporatiewe beheer en bedryfsprestasie ten einde die doelwitte
van die Groep te behaal.
DIE JAAR VORENTOE
Die droogtetoestande sal ongetwyfeld ‘n impak op die besigheid hê, maar ek is vol vertroue dat ons strategieë
die krisis sal kan weerstaan en dat ons sal kan voortgaan om waarde toe te voeg vir ons aandeelhouers. Ons
fokus op diversifikasie en konsolidasie behoort tot selfs beter risikobestuursvlakke en verhoogde opbrengs
aanleiding te gee.
BEDANKINGS
Aan al die personeel en die bestuur van Senwesbel en Senwes – jul toewyding en passie in die uitvoering van jul
pligte is verwesenlik in ons prestasie en sukses. Hou vol daarmee!
Ek wil graag van die geleentheid gebruik maak om Joe Maswanganyi te verwelkom as uitvoerende direkteur van
Senwes. Joe, wat in 2001 by Senwes aangesluit het, het ‘n uitstekende insig in die landbousektor ontwikkel en
lewer uiters waardevolle bydraes tot die besigheid.
Ons kyk met nederigheid terug op die afgelope jaar en dra ons opregte dank oor aan ons Hemelse Vader, met
Wie alles moontlik is.
DRIES KRUGER
Voorsitter
Klerksdorp
30 Junie 2015
SENWESBEL VERKORTE JAARVERSLAG 2015
6