JAG
SKOONMAAK EN BERGING
VAN MY JAGGEWEER NA DIE JAGSEISOEN
Die meeste van ons jagters is skuldig daaraan om nie ons jaggewere skoon te maak na die jagseisoen nie .
Jaco Kruger Hinterland Manager : Weaponry & Ammo
Die bedoeling is daar om skoon te maak , maar dan bekruip die lewe ons en dit word nie gedoen nie . Moenie daardie tipe jagter wees nie . Die skoonmaak en berging van die jaggeweer na die jagseisoen is uiters belangrik . Dit gaan maande wees voor jy jou jaggeweer weer gebruik en die korrekte skoonmaak en berging gaan jou baie geld en tyd spaar voor die volgende jagseisoen .
' n Volle jagseisoen , veral as jy meer as eenkeer gaan jag , sit baie stremming op jou jaggeweer . Die klimaat speel ' n groot rol , veral stof wat oral op die wapen sit , stampe , houe op die wapen agter op die jagvoertuig , jagters wat stap , die krap van boomtakke , ensovoorts . As jy mooi gaan dink aan alles wat die jaggeleentheid jou gebied het , sal jy saamstem dat jou jaggeweer baie mooi opgepas moet word . Gebruik die volgende wenke om jou wapen reg skoon te maak en te berg sodat hy met die volgende jagseisoen in goeie werkende orde kan wees .
Kom ons kyk eerste na ons kluis , die bergingsplek . In Suid-Afrika word jy wetlik verplig om jou vuurwapens in ' n kluis te berg . Maak seker jou kluis is in ' n koel , nie-vogtige deel van jou huis . Ek ken mede-skuts wie se kluise in kaste binne die badkamer is . Vog is jou grootste vyand met die berging van wapens . Daar is baie produkte op die mark wat jy in jou kluis kan plaas om die vog daarin te onttrek . Dit is ' n baie goeie idee om dit te gebruik in enige kluis waar vuurwapens geberg word . Maak net seker om dit na die voorgeskrewe tyd te vervang . Lees die gebruiksaanwysings op die item om te sien wanneer die chemikalieë verval - meestal na drie maande .
Wapens moet glad nie in ' n tas of geweersak geberg word nie . Die wapen sweet en sodoende word die roesproses versnel . Daar is silikoonkouse beskikbaar in die mark wat jy oor jou jaggeweer kan trek .
Bogenoemde sal baie help met die voorkoming van die roesproses deur vog uit te hou , wat dan ook help met die bekerming van die hout op die geweer .
Jaggewere moet altyd met die loop na onder geberg word . Dit verhoed dat die skoonmaakmiddels in die aksie- of snellermeganisme inloop . Plaas ' n skoonmaaklap of stuk spons onder in die kluis om die kroon van die wapen te beskerm .
Hoe maak ek my wapen skoon ? Eerstens , maak die wapen veilig deur alle rondtes uit die magasyn te verwyder . Ons almal het al van skietongelukke gehoor met die skoonmaakproses omdat die wapen nooit veilig gemaak is nie .
Verwyder alle stof van die wapen . Ek gebruik meestal ' n verfkwas om in alle hoekies in te kom .
Daar is twee stowwe waarmee rekening gehou word binne die loop , naamlik koper en koolstof . Koper word afgegee deur die punt wat deur die loop gevuur word . Koolstof is deel van die dryfmiddel met die ontbrandingsproses . Met my ervaring het geler dat daar baie min skoonmaakmiddels te koop is wat beide koper en koolstof uithaal of oplos . Gaan na enige Hinterland wapentak en kry ' n middel wat koper en koolstof verwyder . Maak dan jou wapen goed skoon . Gee die middel voldoende kans om te werk aangesien die twee beide chemiese stowwe is wat met mekaar moet reageer . Moet glad nie bekommerd wees oor al die stories dat die skoonmaakmiddels jou loop kan beskadig nie . Moderne skoonmaakmiddels is almal getoets om te verseker dat dit geen skade aan metaal kan aanrig nie .
As die loop skoon is , vryf die hele wapen met ' n olielappie , insluitend die houtgedeeltes af . Maak seker dit is ' n dik tipe geweerolie sodat die olie op kan bly . Bly weg van dun olies soos Q20 ( niks fout met Q20 nie ) maar dit is te dun om vir ' n lang tydperk op te bly . Daar is verkillende olies vir hout ook bekikbaar .
Wapen word dan met die loop na onder in die kluis gestoor . Dit is altyd ' n goeie idee om so tweemaandeliks net na die geweer te kyk om te sien of daar nie roesmerke is nie . Gaan ook sommer die vogvanger in die kluis na .
Deur die bogeneoemde te volg , gaan jy baie tyd en geld spaar vir die volgende jagseisoen . Jou wapen is ' n kritiese element in die jagproses - kyk mooi daarna .
Jaco Kruger het sy nasionale kleure verwerf en het sy land verskeie kere verteenwoordig
Hy is ook n aktiewe SAJWV-lid en aktiewe SA Jaggeweerskut
62
SENWES SCENARIO | LENTE � SPRING 2021