NUUS | NEWS
dat ons op en af met die waardeketting beweeg nie. Dit bete-
ken wel dat ons diversifiseer binne ’n nou fokus in terme van
geografie, kommoditeite of klantebasis en dit is dus hier waar
die KLK belegging nommerpas is vir ons.
WAT BETEKEN SENWES SE
BEHERENDE BELANG IN KLK?
Vir KLK
Prakties beteken dit dat daardie besigheid aangaan
soos wat tans die geval is. Uit ’n aandeelhouersoogpunt
sal Senwes bydraes maak, insette bied, sinergieë be
werkstellig en versterking vir die huidige portefeulje bied
en sal ook die uitbreiding en kompeterendheid van hul
besigheidstrategieë ondersteun.
KLK klant
Uit ’n KLK klant se oogpunt verander niks. Hulle gaan
aan soos hulle nog altyd besigheid met KLK gedoen het,
nou natuurlik met die ondersteuning van ’n langtermyn
landbouvriendelike aandeelhouer, naamlik Senwes.
Senwes aandeelhouers
Vir die Senwes aandeelhouers beteken dit dat Senwes se
aandeleportefeulje groei en in die proses gediversifiseer
word deur ’n gesonde en goedbestuurde besigheid - dus
’n beter risikoprofiel met groter diversiteit.
Senwes personeel
Vir die Senwes personeelkorps beteken dit dat die onder-
soek na die uitbreiding van sinergieë tussen Senwes en
KLK ook hul eie besigheidsportefeulje komplimenteer en
dat byvoorbeeld Hinterland, Hinterland Fuels en Senwes
Crediet bevoordeel word.
KLK portefeulje
Die belangrikste besighede by KLK is: Carpe Diem, die
rosyntjiebesigheid, wat ’n goed gevestigde besigheid
is waar meer as 95% van die baie gesogte organiese
produk na Europa uitgevoer word. SA Dorper is ’n huide-
en vellebesigheid wat huide verskaf aan klante in die
motorbedryf, die vellebedryf asook aan ’n groot klant in
die modebedryf in Italië.
Die verkoopsnetwerk van KLK stem baie ooreen met
dié van Hinterland. Build-It is ’n gespesialiseerde bouma-
teriaalkettingwinkel en die dieselbesigheid stem ook baie
ooreen met Hinterland Fuels. Dan is daar ook slagpale,
veilings asook motoragentskappe wat Isuzu, Nissan en
Renault insluit. Dus ’n besigheid waarvan die strategie
en veral die kultuur baie goed ooreenstem met die van
Senwes en wat ons portefeulje baie goed komplimenteer.
DIE KLK-TRANSAKSIE
KLK het lankal uit ’n strategiese oogpunt vir ons sin gemaak.
Uit ’n strategiese perspektief gee dit Senwes blootstelling aan
daardie gedeelte van ons land waar ons nie blootstelling gehad
het nie. Wat doen die transaksie effektief? Dit bied ’n geleent
heid om ons portefeulje aan te vul ten opsigte van geografie,
kommoditeite sowel as insetmiddele anders as slegs droëland-
gewasse. KLK is ook ’n goeie operasionele en goedbestuurde
besigheid met gesonde finansiële verhoudings en resultate. Dit
het KLK nog altyd ‘n aantreklike opsie gemaak.
WAAR HET DIE TRANSAKSIE SY
OORSPRONG GEHAD?
Subtropico het ’n 30% belang in KLK gehad, die grootste
enkele aandeelhouer van KLK. ’n Vyandige aanbod is gemaak
om die minderheidsaandeelhouers te bekom met die doel om
alleenaandeelhouer te word. Nie die KLK-direksie of klante is
oor hierdie plan genader nie.
Dit het die bestuur genoop om na alternatiewe te soek. Dit is
waar gesprekke wat in die verlede plaasgevind het, weer opge-
tel is en gelei het tot die KLK-direksie se versoek dat Senwes
’n voorlegging aan die direksie moet maak. ’n Ooreenkoms met
’n gesamentlike uitkykpunt is bereik, waarna ’n teenaanbod
gemaak is. Na die eerste aanbod van R18.50 per KLK aandeel,
het Subtropico weer hul aanbod verhoog en Senwes het daar-
na die suksesvolle aanbod van R19.50 plus ’n ruiling gemaak.
Kontant of ’n Senwes/Senwesbel aandeelruiling indien jy ’n boer
is, en kontant of Senwes aandele indien jy nie ’n boer is nie.
DIE DEURSIGTIGHEID VERDIEP
Daaropvolgend is daar inligtingsvergaderings gehou en aan-
deelhouers en klante is besoek. ’n Hoë frekwensie kommuni-
kasieprogram tussen direksies en klante was op die agenda.
Dit is in teenstelling met Subtropico, wat die vyandige pad
geloop het en nie behoorlike vergaderings belê het nie. Die
aandeelhouers het hewig hierop gereageer.
Senwes het daarna ’n aanvaardingskoers van byna 58%
behaal. Daar is van 0% tot 58% beweeg terwyl Subtropico slegs
1,2% meer kon wen na hulle van 30% na 31,2% beweeg het.
WAT BETEKEN DIT ALLES?
Dus het Senwes ’n beherende belang in KLK bekom en word
daar nou gewerk aan die implementering van hierdie transaksie.
Die hoofdoel is om die KLK handelsmerk en besigheids
portefeulje in stand te hou deur die huidige KLK direksie en
personeelkorps uit te brei op hulle bestaande portefeulje, nuwe
geleenthede vir KLK te ontwikkel en natuurlik ook sinergieë
binne die Senwes groep te identifiseer en te ontwikkel.
SENWES SCENARIO | SOMER • SUMMER 2019
5