MARKETS | MARKTE
Die invloed van
SEETEMPERATURE
op plaaslike pryse
Die plaaslike mark kyk nou
reeds vorentoe na die nuwe
produksieseisoen. Met die
besluite wat geneem word
rondom aanplantings, is dit
belangrik om verskansing
nie agterweë te laat nie.
Deur Hansie Swanepoel
Senwes Markanalis
D
ie plaaslike mark is gewoonlik
aan die begin van ’n seisoen
sensitief vir reënval – beide
vir aanplantings asook vir
die groei van geplante gewasse. Enige
tydperke van droë weer wat vir langer as
twee weke voorspel word, is gewoonlik
ondersteunend vir pryse. Hierdie tye van
ondersteuning kan met groter gemoeds-
rus gebruik word, indien die onderliggen-
de rede vir die kommer verstaan word.
EL-NIŇO
Die El-Niňo effek word oor die algemeen
by plaaslike produsente as ’n groot risiko
faktor gesien. El-Niňo seisoen beteken
verlaagde reënval vir die westelike produk
siegebied en ook hoër temperature – beide
is sleg vir die plaaslike witmielieoes. Die
verwagte El-Niňo faktore vir Oktober tot
Februarie is uiteengesit in Figuur 1.
Daaruit kan gesien word dat daar vir
die komende seisoen ’n El-Niňo neutrale
seisoen voorspel word. Die verwagting is
dus dat die tropiese winde reg sal waai,
sodat vog suidwaarts beweeg oor Suid-
Afrika.
INDIESE OSEAAN DIPOOL (IOD)
Warmer seetemperature in die weste-
like Indiese Oseaan (aan Suid-Afrika
se Ooskus) beteken dat daar warmer
water in die Mosambiekkanaal tussen
Mosambiek en Madagaskar is. Hierdie
warm seewater gee energie aan enige
tropiese stelsel wat hier ontwikkel en lei
Figuur 1: Die verwagte El-Niňo effek Oktober - Februarie.
40
SENWES SCENARIO | SOMER • SUMMER 2019
dan makliker tot die vorming van tropiese
siklone in die Mosambiekkanaal. Hierdie
tropiese siklone ‘trek’ dan die vog weg
van die Suid-Afrikaanse binneland na die
oostelike deel van Afrika.
Die voorspelling vir die IOD vir Oktober
tot Februarie is uiteengesit in Figuur 2.
Daaruit kan gesien word dat die ver-
wagting vir hierdie effek hierdie seisoen
aanvanklik positief is en daarna neutraal.
Gewoonlik vorm tropiese siklone eers in
die tydperk van Januarie – Maart, so die
effek kan hierdie jaar minder wees.
Jy is welkom om met jou graanbemar
ker of graanmakelaar kontak te maak om
die beplanning vir die komende seisoen
te doen.
Vir meer volledige beskrywings
van bogenoemde effekte lees die
volledige artikel deur te kliek op die
skakel http://senwes.co/hanokt19 of
skandeer die QR-kode hier langsaan.
Figuur 2: Die verwagte IOD effek Oktober - Februarie.
Bron: Australiese buro vir meteorologie