ALGEMEEN | GENERAL
Redaksiebrief
Saamplant aan
die toekoms
D
ie afgelope tyd was dit al hoe meer en meer op die
voorgrond dat samewerking deurslaggewend is tot
oorlewing en tot sukses, veral in die moeilike tye
waarin ons leef. Die politieke landskap, grondkwes
sies, agendas, laat seisoene, verwoesting en brande wat die
media oorheers, laat ons besef dat planne gemaak moet word
om die volgende tydperk deur te sien.
Senwes HUB Francois Strydom het tydens die pas afgelope
Nasie in Gesprek-reeks by Nampo Kaap op die meer positiewe
aspekte van ’n krisistyd gefokus - “krisisse aktiveer ons” - en hy
het daarby gevoeg dat “Suid-Afrikaners kollektief opportuniste
is”. So, dit is in ons aard om op te staan in moeilike tye.
Dit is ook belangrik om nie van die kollektiewe te vergeet nie.
Kollektief is om saam te doen, mense wat aktief in ’n groep
betrokke is, ’n kollektiewe liggaam wat tot stand gebring is en
die samewerkingsooreenkomste wat hieruit spruit.
Soms is mense in hul persoonlike hoedanigheid gerat vir die
toekoms, maar skiet ver te kort rakende die kollektiewe. Ons
almal weet ons Groot Vader plant ons in vrugbare grond, soos
ds Willie in die vorige uitgawe aangedui het. So dink ons maklik
dat ons stewig gewortel is en nie samewerking nodig het nie.
Gaan lees Jeremia 12 vers 17: “As enige van hierdie volke nie
wil saamwerk nie, sal Ek hulle wortel en tak laat uitroei!” Die
Here het dit gesê - so, al is jy gewortel, kan jy maklik ontwortel
word as jy alleen geplant is.
Deel dus jou insette, deel jou kennis, want
ons is op ’n punt waar ons eenvoudig
hande moet vat om ons land gered
te kry.
Saamplant, die toekoms in!
2
SENWES SCENARIO | SOMER • SUMMER 2019
COLUMN | RUBRIEK
Uit die Woord
Saai die goeie saad…
Lees: Matt. 13:24-30; 36-43
Ds. Willie Botha
In die Bybel is dit opmerklik hoe belangrik beelde uit die landbou
vir die verkondiging van die Evangelie was. Dit was immers ’n
agrariese samelewing en daarom sou die meeste mense Jesus
se diepsinnige leringe beter verstaan met die gebruik van beelde
uit hulle verwysingswêreld. Matteus 13 is een van die belangrikste
hoofstukke in Matteus. As’t ware is die Koninkryk van God die
skarnierpunt waarom die Evangelie draai. Maar van hier af vind
daar ook ’n wending plaas. Die klem skuif van hoofstuk 13 af al
meer na die dissipels en Matteaanse gemeente, terwyl die skare
en groepe in die eerste gedeelte van die boek die grootste aan-
dag kry.
Koring is al in die Neolitiese tydperk (8300-4500 vC) verbou.
Saam met gars was dit die belangrikste graansoort in Palestina.
As voedsel is koring rou en halfgaar geëet. Die meeste is egter
gemaal en as “meelblom” tot brood verwerk. Nodeloos om te sê
was koring dus ’n tipe stapelvoedsel wat ook in die brood van
die Onse Vader gebed tot uiting kom. Die belangrike saak van
die Koninkryk van God word met die belangrike graan, koring, in
verband gebring. Goeie saad was onontbeerlik. Nie net gebruik
onkruid van die kosbare vog wat vir die koring bestem is nie, maar
dit bemoeilik die oes van die graan. Derhalwe sou ’n boer in die
antieke tyd geen moeite ontsien om goeie saad in die hande te
kry nie.
Met die goeie saad wat die boer gesaai het, kom die goeie red-
dingswerk wat deur Jesus gedoen word na vore. Sy sending na
die wêreld om mense te verlos, maar ook Sy aardse lewe getuig
van die goeie voorneme van die boer. Hy doen alles in sy vermoë
om die oes die beste moontlike kans te gee. Daar is egter steeds
die bose en mense wie se agenda dit is om die goeie werk tot niet
te probeer maak. Hulle bring die oes in gedrang. Die wysheid van
die boer seëvier egter. Hy sien in dat dit die maklikste en die min-
ste skade sal veroorsaak om te wag tot en met die oes.
Behalwe vir die verwysing na die Koninkryk van God, sê die
gedeelte ook iets van die Matteaanse, sowel as elke gemeente
tot vandag. In dieselfde gemeente tref mens gelowiges, sowel
as skyngelowiges aan. God self sal tydens die oes (die oor-
deelsdag) die skeidingswerk doen. Gelowiges van alle tye se
taak bly die verspreiding van die goeie saad. ’n Tema wat die
Bybelgenootskap met sy blad, Die Saaier, verder voer. Dit is die
werk van die Kerk om mense vir die Koninkryk te versamel, die
oes op te pas, en vir hulle ’n positiewe ruimte van groei, gebor-
genheid en liefde te bied.
Dit is lente, en lente is planttyd. Elke boer sal keursaad van die
hoogste gehalte gebruik. Benut ook die seisoen om die goeie
saad van die Woord te saai. Welwetend dat daar uiteindelik ’n oes
is waarna ons Hemelse Vader uitsien.