AREA FOCUS | AREAFOKUS
Die Jan Kempdorp
TV/radio seintoring is
233 meter hoog en
is die 27ste hoogste
struktuur asook
21ste hoogste TV/
radio seintoring in
die land.
Grensstraat in Jan Kempdorp geleë is.
Hoof van dié winkel, Christien Niemann,
sê spottenderwys dat as hulle hul stem
wil laat hoor, gaan staan hulle sommer en
basuin dit uit van ’n ander provinsie af.
Op die grens van die provinsie is ook
’n ou swart stoomlokomotief wat die grens
aandui.
DIE HINTERLAND TAK
Die tak in die dorp is by Hans Strydom
straat 1 geleë, met takbestuurder Frikkie
van Eeden aan die stuur van sake, met
15 personeellede wat hier werksaam is.
Personeel vertel dat hier nog produsente
instap en hulle reg voor in die winkel met
kampstoele tuismaak en net lekker gesels
- mense soos Roelf Pienaar, Koos Strauss,
Hennie Lourens en Ferdie Pretorius.
VYF RIGTINGS
Verder af in die straat is ’n vyfrigtingstop,
een van min landswyd waar bekende
strate met name soos Hans Strydom, DF
Malan, De la Rey en Bosman kruis en jy
jou storie moet ken.
SENWES GRAINLINK GRAANSILO
Die Senwes Grainlink Jan Kempdorp
graansilo het ’n totaal van 20 buise, twee
met ’n kapasiteit van ten minste 4 100 ton
en 18 met ’n kapasiteit van ten minste
Hierdie ou stoomlokomotief staan op die grens tussen Noord-
Kaap en Noordwes, oorkant die Hinterlandtak op die dorp.
1 100 ton, met ’n totale kapasiteit van
28 000 ton. Dit is die kleinste Senwes
graansilo in die omgewing - Hartswater
het ’n kapasiteit van 37 000 ton en
Magogong ’n kapasiteit van 53 000. Agt
mense is hier werksaam, onder leiding
van Johan Hatting, die assistent-silobe
stuurder. Kobus Fourie is die cluster-
bestuurder.
Jan Kempdorp graansilo is op 12
Oktober 1973 geopen, vyf jaar na
Hartswater in 1968 en Magogong is in
1978 geopen.
AMMUNISIE VIR SUID-AFRIKA
Die 93 Ammunisiedepot is naby die Jan
Kempdorp Silo geleë. As gevolg van die
sentrale ligging in Suid-Afrika, word baie
ammunisie hier gestoor. Plaaslikes noem
dat baie glo dat een van waarsêer Siener
van Rensburg se meer as 700 visioene
van ’n ontsaglike ontploffing, na dié dorp
kan verwys.
GASTEHUISE
Gastehuise is in oorvloed met unieke
name soos Eden, Skemerkelkie, Nutshell,
Ou Hanna, Ouma se Woonstel, Platteland
Woonstel en Meerkatsgat. Jan Kemp
Hotel en Border Hotel is ook hier te vinde.
ROTTE EN BRODE
Soos jy verby die dorp ry, is Hoër
Landbouskool Noord-Kaapland en
Vaalharts Hoërskool aan weerskante.
Geskiedenis het dit dat die skoliere van
Hoër Landbouskool Noord-Kaapland die
brode wat by Vaalharts Hoërskool gebak
is, somtyds gegaps het. Dié dat hulle die
rotte en brode genoem word.
LANDBOU IS DIEP GEWORTEL
In ’n landboudorpie is straatname soos
Koring- en Lusernstraat seker nie vreemd
nie. Die gebied is bekend vir pekanneute,
lusern, koring, gars, mielies, grondbone
en katoen.
ANDALUSIA
Andalusia was die vorige naam van Jan
Kempdorp. Andalusia het gegroei en in
Januarie 1950 het inwoners by Kamp 1
inbeweeg en in Januarie 1954 is die eerste
erwe in Jan Kempdorp verkoop. In 1953
is Andalusia tot dorp verklaar en direk
daarna het die naamsverandering na Jan
Kempdorp plaasgevind.
Andalusia was die naam van die plaas
waarop die dorp uitgelê is. Dit is verno-
em na ’n streek in die suide van Spanje.
Daar is nog tekens van die naam, naamlik
Laerskool Andalusia, Andalusia Motors en
Huis Andalusia, die tehuis vir bejaardes.
Daar is ook ’n Andalusia Kliniek en
Andalusia Gastehuis.
ANDER BESIENSWAARDIGHEDE
Die uitkeerwal, die Vaalharts Weir, is net
die begin van die netwerk van kanale by
die Vaalharts Besproeiingskema. Die weir
is 11 meter hoog en 753 meter lank. Die
38 km-lange populierlaning wat net buite
Jan Kempdorp begin, is ook welbekend.
Wat eens ’n kameeldoringoerwoud was
en Andalusia geheet het, is nou omskep
in ’n landboudorp duisend.
SENWES SCENARIO | SOMER • SUMMER 2019
31