JAG | HUNTING
Die effek van totale
patroonlengte op akkuraatheid
In die vorige twee artikels het ons gekyk na ’n proses om die akkuraatheid van jou wapen
te bepaal. Ons het die veranderlikes bespreek wat ’n effek op jou akkuraatheid kan hê en
ook die gebruik van spoed as ’n aanduiding van akkuraatheid bespreek. Saam met die
bespreking van spoed het ek ses verskillende spoedtoetse geskiet om te bepaal watter
effek konstante spoed op ’n groepering het.
Deur Jan-Lodewyk Serfontein
Jag- en wapenkenner
M
et die toetse het die groepe
rings gewys dat die lading
wat die mees konstante
spoed gegee het, nie
noodwendig die beste groepering het
nie. Daardeur is afgelei dat spoed nie die
enigste aanduiding van akkuraatheid kan
wees nie. Die geweer se groepering op
die teiken moet ook gebruik word om die
geweer se akkuraatheid te bepaal.
In die vorige artikel is genoem dat die
konstante spoed wel ’n aanduiding kan
wees van ’n akkurate lading, maar dat
daar nog veranderlikes is wat ingereken
moet word sodat die geweer akkuraat
kan skiet. Die veranderlike wat in hierdie
artikel bespreek en getoets word op die
skietbaan, is totale patroonlengte.
In die vorige toetse is bevind dat ’n
lading van 44.5 gr S341 ’n uiterste ver-
spreiding van spoed gee van 12 fps. Met
ander woorde, die stadigste koeël en die
vinnigste koeël van die drie toetsrondtes
het met 12 fps verskil. Die uiterste ver-
spreiding van spoed met 44.5 gr was die
kleinste van die ses ladings wat getoets
is. Die lading het ’n groepering van 60.33
mm gegee, terwyl ’n totale patroonlengte
van 71.1 mm gebruik is.
Met die volgende stel toetse wat ge
skiet is op ’n 100 m baan, met ’n Howa
308, is die resultate soos in die aange-
hegte tabel verkry.
Dit is duidelik uit die tabeldata dat die
Lading Kruit Ontsteker Dop Koeël
Gewig
TPL
Groepering
44.5 gr S341 PMP Lapua Balistix Huntac 165 gr 71.42 mm 21.31 mm
44.5 gr S341 PMP Lapua Balistix Huntac 165 gr 71.78 mm 38.67 mm
44.5 gr S341 PMP Lapua Balistix Huntac 165 gr 72.10 mm 32.88 mm
44.5 gr S341 PMP Lapua Balistix Huntac 165 gr 72.52 mm 25.92 mm
44.5 gr S341 PMP Lapua Balistix Huntac 165 gr 72.82 mm 5.8 mm
44.5 gr S341 PMP Lapua Balistix Huntac 165 gr 73.25 mm 12.55 mm
28 SENWES SCENARIO | SOMER • SUMMER 2019
groepering groter word en weer kleiner
word soos wat die totale patroonlengte
langer geword het. Met ’n TPL van 72.82
mm het die geweer ’n groepering geskiet
van slegs 5.8 mm. Hieruit kan ons aflei
dat daar 2 veranderlikes is wat ’n invloed
het op ’n geweer se akkuraatheid, naamlik
lading en lengte.
Die uiterste verspreiding van spoed
word gebruik om ’n gunstige lading uit
te kies vir ’n spesifieke wapen aangesien
die beste lading nie noodwendig ’n goeie
groepering gee nie. In vorige toetse het dit
duidelik na vore gekom. Die totale patroon-
lengte moet ook langer of korter gemaak
word om die gunstige lengte te kry vir die
spesifieke wapen. Met skiettoetse op die
baan en groeperings as die finale bewys,
kan ons ’n akkurate lading vir ’n wapen
bepaal en die akkuraatheid van die wapen
toets. Die bewys dat ’n wapen akkuraat is
al dan nie, word bepaal deur die groepe
ring wat hy kan skiet. Totale patroonlegte
het wel ’n groot invloed op die akkuraat
heid van ’n geweer. In die voorbeeld wat
behandel is, het die groepering van 60.33
mm verklein na 5.8 mm deur die TPL
langer te maak met 1.72 mm.