PRODUSENTFOKUS | PRODUCER FOCUS
Herman Fouché se werkende gasteplaas in Rysmierbult-distrik
Waardevolle plaaspitkos
tussen beeste en ploeg
As die lewe net eenvoudig te veel raak, dan sê mens mos reguit, “hier moet ek net
wegkom”. Snaaks genoeg is dit presies hierdie Senwes produsent se gasteplaas wat jou
nader roep, Semoer Destination. Dis nou as jy genoeg gehad het van die stadslewe.
Deur Aubrey Kruger
Senwes Senior Joernalis
D
ié idilliese bestemming is
geleë in die Rysmierbult-distrik
in Noordwes, by die Mooirivier
se kronkels en draai met
boomlanings so reg uit ’n sprokieswêreld.
Hierdie is immers nie ’n gewone gaste
plaas nie. Dit word beskryf as ’n alles-in-
een wegbreekbestemming waar jy rus vir
jou siel kan kry en gevul kan word met
waardevolle plaaspitkos.
DIE VISIE VAN HERMAN
Herman Fouché fokus al vir die afgelope
20 jaar op sy boerdery en is ’n Senwes
klant in murg en been. Dis op hierdie
plase waar 1 500 hektaar se gewasse op
24
droëland geplant word, 260 hektaar onder
besproeiing is en die res word as weiding
vir sy 1 200 koeie ingespan. Hy fokus
hoofsaaklik op witmielies, sonneblom en
sojabone in ’n 60/20/20 verhouding.
Planne het die aanvanklike elektriese
ingenieur duidelik in oorvloed. Hy was
eers ’n naweekboer en smous vanaf
1989 op ’n 300 hektaar plaas wat hy
gehuur het, presies waar ’n gedenk-
naald vir die Anglo Boereoorlog held,
Danie Theron langs die N12 anderkant
Potchefstroom opgerig is. Interessant
is dat Danie se agter-agter-niggie, die
bekende Amerikaanse aktrise Charlize
Theron is. Oorkant die N12 hiervandaan
is die diepste goudmyn in die wêreld op
amper 4 kilometer (3,9 km). Dis by skag 3
van hierdie myn waar Herman vir 12 jaar
werksaam was. Hy was ook vir jare in die
SENWES SCENARIO | SOMER • SUMMER 2019
konstruksiebedryf voor hy vanaf die draai
van die eeu slegs op sy boerdery begin
fokus het.
FAMILIEBOERDERY
In die boerdery is Herman aan die
stuur van sake, met sy vrou Susan aan
sy sy, wat almal bystaan in ’n ander
hoedanigheid. Lirie en Philip bestuur die
gasteplaas, seun Hernich behartig die
saaigedeelte en skoonseun Philip Marais
behartig die voerkraal en beeste.
Van Marais gepraat. “My Sarie Marais
is so ver van my af…” Sarie, van wie in
hierdie Afrikaanse volksliedjie gesing
word, het in dié einste geweste gebly.
In hierdie wyk van die Mooirivier, onder
in die mielies by die groen doringboom.
Interessant is dat die Marais-gedeelte
eintlik ’n drukfout was, want eintlik het sy