AGRICULTURAL | LANDBOUKUNDIG
produksieplan suksesse kontantvloeibegroting skuldverpligtinge
surplus of tekort beplanning langtermynvisie doelwitte
nasie van gewasse vasgestel is, word die
kontantvloeibegroting die bloudruk wat
alle finansiële besluite vir die volgende
12 maande rig. Indien u van finansiering
moet gebruik maak, is dit die einste kon-
tantvloeibegroting wat die kredietkomitee
se besluit gaan beïnvloed.
Hoewel ’n korttermynplan die meeste
aandag geniet en besonderhede inhou,
bly dit belangrik om dit in lyn te hou met
die boerdery se visie en strategie.
FOKUS OP DIE VOLGENDE 3-5 JAAR
Die laaste vier jaar in die graanbedryf word
onthou vir een van die ergste droogtes in
dekades met hoë pryse, gevolg deur ’n
rekord-oes met weggeepryse. Dit is tye
waarin alle spaargeld opgeroep, limiete
verhoog en oorlaatskuld aan die orde van
die dag was. Die faktore maak dit moeilik
om toekomsgerig te dink en te glo dat
sake gaan verbeter, veral wanneer die
finansierders geld, redes en planne soek
om die skuld te delg.
Dit is nodig om die situasie realisties te
ontleed en praktiese, haalbare oplossings
te soek. Dit is onwaarskynlik dat een goeie
jaar al u finansiële probleme gaan uitwis,
so moenie u hoop op ’n eenjaaruitweg sit
nie. Bepaal ’n 3-5 jaar strategie wat binne
bereik van die natuurlike hulpbronne,
talente en gawes tot u beskikking is.
KYK SOVER AS WAT JY KAN
DIE TOEKOMS IN
Voor die dae van groot lande en gevor-
derde trekkers met hul GPS’e, is aanvore
gemaak deur ’n baken aan die ander kant
van die land te kry en dit in fokus te hou
in plaas van om reg voor die trekker in
die land te kyk. Dit het verseker dat die
aanvoor reguit is en die spore netjies. ’n
Langtermynvisie dien as ’n baken om u
boerdery deur die huidige omstandighede
te navigeer. Indien die boerdery nie oor ‘n
visie, missie en doelwitte beskik nie, is dit
die ideale tyd om dit te bepaal.
KOMMUNIKEER DIE PLAN
Sodra die beplanning vir die volgende
seisoen (en daarna) gedoen is, is dit
goed om dit met die bestuurspan en
ander belanghebbendes te kommunikeer
sodat hulle kan help om die plan vlerke te
gee en te verseker dat die 2019/20 plant-
seisoen een sal wees om te onthou vir die
regte redes.
www.capstoneseeds.com
SENWES SCENARIO | SOMER • SUMMER 2019
13