FINANSIES | FINANCES
Elize Jordaan
“Dit gaan alles oor die kliënt se behoeftes.”
Senwes Credit se Bestuurder: Landboufinansiering, Elize Jordaan, is nie bang om ’n
paar vellies aan te trek en saam met ’n kliënt deur sy lande te loop om oplossings te
bespreek vir sy besigheid nie.
By Marlon Abrahams
Senwes Scenario Hoofredakteur
“E
k werk met Senwes kliënte
wat dikwels baie unieke
en soms komplekse
behoeftes het wanneer dit
by finansiële oplossings kom. Dit kan tyd
neem om 'n behoorlike behoefte-analise
te doen afhangend van die beskikbaar-
heid van die kliënt se finansiële inligting.
Wat my werklik dryf is die bou en
instandhouding van die kliënteverhouding
wat daarna volg. Ons
implementeer
oplossings en
monitor,
62
optimaliseer en pas dit deurlopend aan.
Die kliënt se sukses is ons sukses.”
Met die eerste oogopslag blyk profes-
sionaliteit baie belangrik te wees vir Elize.
Sy lyk die ene besigheid en dit reflekteer
ook haar 15 jaar se ondervinding as
privaat- en besigheidsbankier vir een van
Suid-Afrika se top vier banke. “Die beste
deel van my werk is om my getroue paar
vellies aan te trek en deur die lande te
loop saam met die kliënt om oplossings
te bespreek. Om die kliënt se passie vir
sy besigheid te ervaar en hom te help om
sy groeidoelwitte te behaal. Ek het op ’n
beesplaas naby Polokwane grootgeword,
so ek is baie tuis op ’n plaas.”
Met Elize se agtergrond as privaat-
en besigheidsbankier en die feit dat sy
Finansiële Markte en Instrumente en
Bemarking studeer het, is sy van mening
dat die landbousektor opwindende uit-
dagings bied en dat Senwes Credit buig-
saam genoeg is om pasgemaakte pro-
dukte vir sy kliënte teen voorkeurkoerse
te bied, wat ander mededingers nie kan
doen nie. “In die banksektor was die
produkte wat gebied is, konvensionele
rakprodukte. Geen twee kliënte in
die landbousektor se behoeftes is
dieselfde nie. Elke situasie word
op eie meriete geëvalueer.
Ek is in noue samewerking
met ons Gestruktureerde
Finansiering-, Belasting-
en Besigheids
ontwerpspan, wat in
welvaartbestuur
spesialiseer. Op
die wyse kan
SENWES SCENARIO | SOMER • SUMMER 2018
’n omvattende oplossing vir elke kliënt se
spesifieke behoeftes gevind word.”
’n Onlangse voorbeeld van ’n pas
gemaakte oplossing vir ’n landboukliënt
demonstreer die produk- en diensaanbod
van Senwes Credit, wat nie deur ander
banke gebied word nie.
“Nadat die kliënt se situasie geanali
seer is, het ons hom ’n Tradevantage
Prysrisikorekening gebied, wat hom in
staat gestel het om ’n spesifieke kommodi
teit te verhandel. Ons het ook bemarkings-
bestuursdienste gebied vir die kommoditeit
en gereël vir ʼn bedryfskapitaalfasiliteit. ’n
Gestruktureerde finasieringsoplossing vir
kapitaaluitbreiding is ook verskaf. Die kliënt
moes verder ’n volhoubare SEB-transaksie
implementeer en ons kon ’n span verskaf
wat die transaksie kon onderhandel en
die betrokke partye bymekaar kon bring.
Benewens dié pasgemaakte oplossings,
maak ons vinnige reaksietyd, kompeteren-
de rentekoerse en administrasiefooie ons
aanbod selfs meer aantreklik”.
“Ek is baie passievol oor wat ek doen
- ek sit langs die kliënt, nie aan die ander
kant van die lessenaar nie. Dit gaan daar-
oor om in ’n langtermynverhouding te belê
en waarde toe te voeg tot die kliënt se
besigheid,” sê Elize met tasbare positiewe
energie!
As jy ’n afspraak met Elize Jordaan
wil maak om jou finansiële oplos-
sings te optimaliseer, skakel haar
by die volgende nommers:
018 464 7432 of sel 084 495 2744
of via epos by elize.jordaan@sen-
wes.co.za.