NUUS| NEWS
Wenners gekroon by 2018
Vrystaat Landbou gala-dinee
Vanjaar was daar weereens groot opgewondenheid met die aankondiging van die top
boereverenigings in die Vrystaat. Senwes Scenario het gaan inloer.
Deur Aubrey Kruger
Senwes Scenario Redakteur
D
Vrystaat Landbou se Boerevereniging van die Jaar! Agri
Hertzogville het vir die derde keer in ‘n ry die titel ingepalm. Hier
is Francois Wilken (President: Vrystaat Landbou), Gerhard Kriel
(Hoof Uitvoerende Beampte: Vrystaat Landbou), Tania en Marius
Groenewald (Agri Hertzogville) in die middel, gevolg deur Danie
Minnaar (Voorsitter: Senwes Direksie) en Tommie Esterhuize (Vise-
Voorsitter: Vrystaat Landbou).
Die tweede plek is ingepalm deur Steynsrus Distriksboerevereniging.
Hier is Francois Wilken (President: Vrystaat Landbou), Gerhard
Kriel (Hoof Uitvoerende Beampte: Vrystaat Landbou), Louis Koch
(Voorsitter), Danie Minnaar (Voorsitter: Senwes Direksie) en Tommie
Esterhuize (Vise-Voorsitter: Vrystaat Landbou).
38
SENWES SCENARIO | SOMER • SUMMER 2018
ie Vrystaat Landbou 2018 gala-dinee, wat met
trots geborg is deur Senwes, is op 15 Augustus
by Leopards and Lace in Bloemfontein aan
gebied. Bekende grapjas, Andries Vermeulen,
het as seremoniemeester opgetree.
Die streeksverteenwoordiger vir die jaar was weereens
Willie Weich van die Tokologo distrik, wat ook die titel in
2017 gewen het.
In die Boerevereniging van die Jaar-kompetisie was die
wenner ook dieselfde, in der waarheid dieselfde as in 2017
en 2016. Hier het Agri Hertzogville weereens met die titel as
Boerevereniging van die Jaar weggestap. Marius en Tania
Groenewald het die titel in ontvangs geneem. In die tweede
plek was Steynsrus Distriksboerevereniging en Louis
Koch (Voorsitter) het die titel namens die boerevereniging
ontvang. Hulle het een plek opbeweeg nadat hulle die
derde plek in 2017 losgeslaan het. In die derde plek was
Karee Boerevereniging en Miekel van Dyk (Voorsitter) en
Willie Maas (Ondervoorsitter) het die sertifikaat in ontvangs
geneem. Interessant is dat Karee Boerevereniging ook ‘n
top drie posisie in 2016 verower het, nadat hulle verlede
jaar tweede was.
Hierdie boereverenigings het hul onderskei as pilare
van die gemeenskap waarin hulle funksioneer. Hulle
het in landbouverwante aangeleenthede uitgeblink
en word ook uitgeken aan hul samewerking met
belanghebbende rolspelers soos die SAPD, munisipaliteite,
landboubesighede en regeringsdepartemente. Dan is
hulle ook betrokke by projekte buite die landbousektor
soos skole, bejaardes, welsyn, skoue en by opkomende
produsente.
Senwes is trots om vir jare al deel van die Vrystaat
Landbou Jaarkongres en gala-dinee te wees en wens al
die wenners geluk met hulle toekennings. Julle is waarlik
steunpilare in landbou!