•••
• •
KO L SK O O T • •
Jagseisoen is verby...
tot volgende jaar
JAN-LODEWYK SERFONTEIN
EN SO, IN ‘N OOGWINK, IS
2017 SE JAGSEISOEN OOK
IETS VAN DIE VERLEDE.
WAAR EN WAT HET JY
ORAL GEJAG DIE JAAR
EN HOE HET JOU JAG
VERLOOP? JOU BOKKE,
JOU SKOTE, DIE STORIES
OM DIE VUUR EN AL DIE
LEKKER HERINNERINGE!
WAT MAAK DAT ONS JAAR
NA JAAR WEER TERUG
JAGVELD TOE WIL GAAN?
M
eeste jagters se rede
om volgende jaar weer
terug jagveld toe te gaan, verskil
van mekaar. Almal het nie ewe
suksesvolle jare agter die rug nie.
Jou jagseisoen kon een groot suk
sesverhaal gewees het. Maar jy kon
dalk geweerprobleme in die veld
ervaar het.
Dalk het jy geleer dat jou
kaliberkeuse nie geskik was vir die
terrein waar jy gaan jag het nie.
Dalk het die koeël waarmee jy
gejag het, nie vir jou die gewenste
uitwerking gegee nie. Heel moont-
lik het die trofee wat jy elke jaar
soek, jou weereens ontduik. En
daarom gaan jy volgende jaar terug
om weer te probeer.
Die jaar het ek my jag in die
bosveld naby Swartwater afgesluit.
Na die jaar se goeie reënval was
die gras lank en die bos baie ruig.
Dit was van die begin af duidelik
dat ons nabyskote sal skiet en ook
nie maklike skote sal skiet nie.
Staanposisie sal die aangewese
posisie wees en dalk met gras en
bosse in die pad. Daarom het ons
op 70m ingeskiet, en ook uit die
staanposisie ingeskiet om seker
te maak ons is gemaklik met die
posisie en die afstand.
Die eerste bok wat ek ’n skoot
op kon skiet, was laat middag na
’n lang dag se stap. Al wat ek op
60m kon sien van die rooibok was
sy kop. En ook net as hy sy kop
optel om te herkou, so tussen die
gras, takke en blare deur. Nadat
ek my posisie ingeneem het op
die skietstokke, was ek seker van
my skoot op die kort afstand. Ek
skiet met die regte kaliber vir die
bosveld, my posisie is gemakilk vir
my en my geweer in ingestel op
die kort afstand. Nou moet ek net
die skoot reg laat afgaan.
Volgende jaar sal ek weer terug
gaan bosveld toe. Maar volgende
jaar wil ek my toerusting verander
en gaan toets. Ek wil gaan toets
of my toerusting beter kan werk
as wat dit die jaar gedoen het.
Hopelik kan ek weer ’n rooibok
op 60m raakloop. En hopelik sal
die geleentheid weer daar wees vir
’n kopskoot. Maar volgende jaar
wil ek met ’n ander kaliber in die
veld wees. Ek wil ’n ander koeël
in my geweer hê, en ek wil sien of
die ander koeël nie die werk beter
kan doen as die een wat ek die
jaar gebruik het nie.
My beplanning vir volgende jaar
se jag het reeds begin. Waar ek
volgende jaar wil gaan jag en wat
ek graag wil jag. My kaliber en
koeël wat ek volgende jaar mee
wil jag, moet op besluit word en
uitgetoets word. Voor ek bosveld
toe gaan moet ek seker maak dat
my beplande verandering ’n ver
betering is.
Maar wat maak dat ek volgende
jaar weer my gewere sal afstof en
my messe begin slyp? My toerus
ting gaan toets in die veld en kyk
of die vervaardigers se bemarking
wel korrek is? Sekerlik is jou guns
teling geweer en jou skoot wat jy
gaan skiet deel van jou rede. Maar
die volgende paar ervarings is die
rede hoekom die veld vir my lek
ker is en ek jaar na jaar terugkeer.
’n Vuur onder maanlig en sterre
is ’n gevoel wat jy nie in woorde
kan omsit nie. Om deur die aand
wakker te word van die jakkals
se getjank en die sterre te sien is
meer as net iets wat jy sien en
hoor. ’n Oggendkoffie vanaf die
vuur, roosterkoek en vars lewer
op die kole. En om by ’n bok te
sit, stil te word en te besef dat jy
die mag gegee is om oor lewe en
dood te besluit. Hierdie oomblik
ke kan jy nie verwoord nie. Jy kan
dit net ervaar. En daarom sal ek
volgende jaar weer terug wees in
die jagveld.
SENWES Scenario • OKT/NOV 2017
49