••••
KO L LI G
Johan van Wyk
Almal se Boeta
> VERVOLG VAN BLADSY 11
die voorsitter van die Schweizer-
Reneke Studiegroep - hulle is
’n lekker groep van 45 lede wat
gereeld bymekaarkom en aksies
reël.
BOERDERY
Hier by Klipfontein boer hulle
met mielies, grondbone, sonne
blom en sojabone. Normaalweg is
’n derde oorlêlande en die ander
twee derdes word opgedeel in die
helfte mielies, met die ander derde
grondbone, sonneblom en soja
bone. Wat hy wel in die komende
seisoen beplan om te doen is om
baie minder mielies te plant, van
weë die laer pryse. Hulle boer ook
met Simbras en Simmentalers.
Nog raad wat hy uitdeel is om
jou 5% swakste produserende
lande uit te sny. So skep jy ekstra
weiding vir vee en dit is baie keer
daardie lande wat tot oorproduk
sie lei en die pryse laat daal.
KLEIN TREË
Johan glo in diversifikasie binne
perke. Hy het stadig oor die jare
gediversifiseer en het ook wild en
pekanneute, in vennootskap met
drie ander produsente. Hulle het
ook die laaste vier jaar al ’n proef
plaas van 50 hektaar. Hier is hulle
tans in jaar vier van ses jaar en sal
in 2019 kyk of hulle geenbewer
king gaan oorweeg en dan in jaar
vyf, die oorlêjaar, sal hulle rip en
chemiese regstellings doen.
OOR DIE AREA
Johan vertel sy plaas het nie net
Noordwes in nie, maar ook ’n
tikkie van die Vrystaat en Noord-
Kaap en selfs Mpumalanga. Boeta
beskryf immers sy deel as “waar
die Karoo en Kalahari bymekaar
kom.”
Interessant is dat hul gebied
die verste van Randfontein en
12
Met ‘n naam soos
Braai sorg die
Simmentalerbul
vir nog ‘n bietjie
erfenis.
Durban is en hy vertel dat indien
sy plaas, hektare en insette in ’n
omgewing soos Bothaville was,
sou hy baie meer geld in sy sak
kon steek. Verdere uitdagings is
dat hulle onder-gemiddelde reën
val vir die afgelope 5 jaar gehad
het en dus op alle gebiede veg vir
goeie pryse en afslag omdat wins
marges baie klein is.
Sy ander raad is dat jy by die
basiese moet bly en net moet aan
hou: “‘n Paar jaar gelede was hier
min trekkers en implemente en
nou is daar baie en almal maak ’n
bestaan.”
Hy voel ook ernstig daar
oor dat ons ons eie bedryf moet
stimuleer. Die meel en grond
boontjiebotter kan teruggeka
naliseer deur dit aan jou werkers
te verskaf. So eet hulle gesonder,
kry meer energie en proteïene en
terselfdertyd stimuleer jy jou eie
bedryf en die vraag styg. Dink net
aan die landswye impak.
Almal is een groot familie op
Klipfontein, wat aansluit by 'n ou
gesegde van sy oupa: “Klipfontein
is ’n perd wat jou nie gaan ryk
maak nie, maar hy gaan jou ook
nie afgooi nie.”
Boeta se oë is op die groter
prentjie gerig en hy sien almal se
samewerking as kardinaal. Bou so
voort Boeta!
Die oue en die
nuwer een! Een
van die twee
8300 trekkers
van 1996 op die
plaas met oor die
20 000 ure werk
hier saam met
die nuwer 8430
model.
Die families van Abram Mboyo, George Botshelo, Basta Molefe, Mannetjie Mmosakga,
Abraham Dithebe en Abraham Lehihi werk al vir dekades hier op Klipfontein.
OKT/NOV 2017 • SENWES Scenario