••••
G RAA N M AR K VO O R U I T S I GT E
September 2016
> VERVOLG VAN BLADSY 45
mielieprys was op 4 September
2009 op ’n vlak van $3.0 per skepel. Die CBOT geelmielieprys het
egter met $1.42 per skepel gestyg
tot 10 Januarie 2010. Dit het
gebeur, nieteenstaande die feit dat
die dollar op dieselfde vlak gebly
het, die ruolieprys stabiel was en
die opbrengs opwaarts aangepas
is. Ons moet onthou dat die
Amerikaanse mielieprys onder die
Amerikaanse produksiekoste is en
die mark weet dit.
Dit gee gewoonlik daartoe
aanleiding dat die prys ondersteun
word. Dit sal nie snaaks wees
indien dit vanjaar weer gebeur nie.
Die prys het die afgelope week
ook begin herstel.
PLAASLIK
Wisselkoersbeweging
Die R/$-wisselkoers en die
berekende oordragvoorraad
het die grootste effek op die
prysvormingsproses op die
termynmark. Indien grafiek 3
met die verloop van die wit- en
geelmieliepryse vergelyk word,
kan daar ’n ooglopende verband
waargeneem word. Die rand het
sedert Januarie 2016 tot en met
Augustus 2016 versterk, daarna
het dit weer verswak en die afgelope paar dae het dit weer versterk.
Die R/$-wisselkoers is die moeilikste veranderlike om te voorspel en
dit het seker die grootste impak op
die prysvormingsproses.
Wit- en geelmielies
Gedurende Januarie 2016 het dit
bekend geword dat Suid-Afrika
midde-in ’n ernstige droogte verkeer. Witmielies het by R5 300
per ton gedraai en geelmielies by
R4 100 per ton. Dit is bekend
dat dit baie duurder is om wit-
46
Grafiek 6. Die sonneblom/sojaboon kontant prysverloop op Safex.
mielies in te voer en dit is die rede
hoekom die witmielieprys soveel
hoër as die geelmielieprys is. Die
prys van albei kommoditeite het
sedertdien redelik afwaarts beweeg
as gevolg van die versterkende
rand. Die wit- en geelmielieprys
was op ’n stadium R1 640 per ton
uitmekaar. Die verskil is besig om
te verklein omdat die mark verwag
dat heelwat meer witmielies as
geelmielies die komende seisoen
aangeplant gaan word en witmielies nie meer so skaars gaan wees
nie.
Grafiek 4 dui die historiese
berekende in- en uitvoerpariteite
asook die Safex pryse wat vir wit
mielies gerealiseer het aan. Dit
is duidelik dat die witmielieprys
binne drie maande van uitvoer
pariteit tot invoerpariteit kan
beweeg. Die mark verdiskonteer
tans ’n baie groot oes vir die
komende seisoen en dit is die rede
waarom die Mei en Julie 2017
kontrakte soveel laer as die pryse
van naby-maande is.
Klimaat
Die voorspelde klimaat vir die
komende seisoen het ook ’n
deurslaggewende effek op die verwagte mielieprys vir die komende
seisoen. Produsente moet dit baie
noukeurig dophou.
OKT/NOV 2016 • SENWES Scenario
OLIESADEKOMPLEKS
Sonneblom en sojabone
Ons weet dat ons sojabone en
sonneblom hierdie bemarkingsjaar
moet invoer en daarom vorm die
prys naby die afgeleide invoer
pariteitsvlak. Die groot verskil
tussen die sojaboon- en sonne
blomprys is besig om te verklein.
Die verwagting is dat ons die
volgende seisoen weer sojabone en
waarskynlik sonneblom sal moet
invoer en die twee kommoditeite
kry dus redelike prysondersteuning.
OPSOMMING EN GEVOLGTREKKING
Hoë kommoditeitspryse was vir die
grootste deel van hierdie somerseisoen aan die orde van die dag.
Dit was as gevolg van die droogte
en die swak rand. Die beweging
van die rand is absoluut onvoorspelbaar en dit het ’n wesenlike
effek op die kommoditeitspryse.
Produsente sal dit baie goed moet
dophou.
Alle oë is op die klimaat vir die
nuwe seisoen. Sou ’n goeie seisoen
volg met ’n groot oes, kan die witen geelmieliepryse wesenlik verlaag.
Vastepryskontrakte moet egter nie
vir ’n te groot deel van die verwagte
oes aangegaan word nie. Sou dinge
anders uitdraai as verwag, is dit baie
moeilik om uit so ’n posisie te kom.
Praat met jou graanverkryger.