•••
••
A G R IW
RUB
EN
RIE
K EK ••
Oordeelkundige beplanning
is noodsaaklik
DIE VORIGE SEISOEN IS GEKENMERK AS ‘N SEISOEN
VAN UITERSTES OOR DIE GROOTSTE GEDEELTES VAN
DIE SENWES BEDIENINGSGEBIED.
GERRIT OOSTHUIZEN
SENIOR AGRONOOM
D
ie variasie in die hoeveelheid reën ontvang, sowel
as die verspreiding van die reënval,
het gewissel van redelik tot baie
min as gevolg van die El Niño toestande wat geheers het. Gelukkig
lyk dit of La Niña toestande in die
huidige seisoen gaan heers, wat
die vooruitsigte vir ’n beter seisoen
verbeter. Die winterreën wat oor
groot gebiede voorgekom het, het
ook gehelp om die grondwatervlakke in die gronde te verbeter.
Vir beplanning van die
2016/17 seisoen se opbrengs
mikpunte behoort grondwaterevaluasie ’n belangrike oorweging te wees. Indien u oor
grondkaarte beskik (die lande
is gekarteer), neem gerus ’n
grondboor en gaan kyk hoe die
grondwatertoestande in die verskillende gronde/lande lyk. Self
al is die grond nie gekarteer
nie, kan grondwaterinspeksies
nog steeds gedoen word. Plant
die natter lande eerste en gee
die droër lande kans om nog
water op te gaar. Historiese klimaat- en opbrengsdata behoort
ook in ag geneem te word.
Hou by beproefde praktyke en
wees realisties in jou beplanning.
Opgegaarde of gestoorde
grondwater is ’n noodsaaklike
buffer om die oes in kritieke
tye te help. Bewerkingstelsels
behoort ten doel te hê om
verdamping vanaf die grondoppervlak asook transpirasieverlies
deur onkruid tot die minimum
te beperk.
Die kultivarpakket behoort
deur kultivarevalueringsdata
gerugsteun te word.
Baseer plantpopulasie en
rywydtes op grondpotensiaal.
Die grondoppervlak behoort
sodanig te wees dat vinnige en
harde reënbuie benut en afloop
tot die minimum beperk word.
Indien planttyd uitloop en
die grond nog relatief droog
is, moet die boerdery nie aan
onnodige risiko blootgestel
word nie.
Kontak Senwes Landboudienste
vir die volgende dienste:
• Meganisasiebeplanning
• Grondwaterbepalings
• Grondpotensiaalbepalings
• Grondkartering (fisies en chemies) met toepaslike aanbeve
lings
• Verbouingsriglyne
SENWES Scenario • OKT/NOV 2016
43