N UUS
•••
••
••
Senwes Grainlink verwelkom
direkteur met besoek aan silo
Senwes se nuwe onafhanklike nie-uit
voerende direkteur, Simon Mohapi, heel
bo op Senwes Grainlink Viljoenskroon
Silo.
SENWES GRAINLINK
HET DIE NUWE SENWES
DIREKTEUR, SIMON
MOHAPI, HARTLIK BY DIE
MAATSKAPPY VERWELKOM MET ‘N BESOEK AAN
DIE SENWES GRAINLINK
VILJOENSKROON SILO.
AUBREY KRUGER
O
perasionele Bestuurder
by Senwes Grainlink,
Graham Lottering, het Mohapi
tydens die besoek op Dinsdag, 13
September vergesel, wat deel van
Mohapi se oriënteringsproses uitgemaak het.
Dit was nadat Mohapi op
Vrydag, 26 Augustus 2016 as
die nuwe onafhanklike nie-uitvoerende direkteur bekragtig
is tydens Senwes se Algemene
Jaarvergadering waar James Botha,
Nico Liebenberg en Thabo van
Zyl as direkteure van die maat
Operasionele Bestuurder by Senwes
Grainlink, Graham Lottering, wys
Simon Mohapi (Senwes se nuwe
onafhanklike nie-uitvoerende
direkteur) die silobedryf tydens
die besoek aan Senwes Grainlink
Viljoenskroon Silo op Dinsdag, 13
September.
skappy herverkies is.
Tydens die besoek het
Silobestuurder, Nico Janse van
Rensburg, Mohapi die verskillende
graanvloeiprosesse verduidelik,
die hele silobeheer, graanmonsters
wat met aankoms geneem word,
asook die droging en deurligting
van graan. Mohapi vertel dat hy
regtig verras was met sy heel eerste
besoek aan ’n silo ooit. Hy was
ook geweldig beïndruk: “Dit was
briljant, informatief en ’n algehele
goeie ondervinding vir my.” Hy
het bygevoeg dat dit sy oë oopgemaak het dat die silobedryf ’n
besigheidseenheid op sy eie is.
Mohapi is op 7 Julie 1956 in
Sophiatown gebore het in Soweto
grootgeword waar hy ’n private
Katolieke laerskool, St Martin,
bygewoon het waarna hy in 1975
by Morris Isaacson Hoërskool
gematrikuleer het. Die 60-jarige
Simon is ’n familiemens en is al 34
jaar met Anna getroud en is geseën
met drie kinders Neo, Keletso en
Tshepang.
Mohapi is ’n veteraan in die
finansiële dienste sektor met meer
as 30 jaar se ondervinding en was
onder meer betrokke by die NWU
in Potchefstroom as ’n lid van die
direksiekomitee.
Hy het ’n diploma in Beleg
gingsbestuur by UJ verwerf.
Hy is ook ’n gekwalifiseerde en
gemagtigde diensteverskaffer, het
’n diploma in Besigheidsrigting
(NQF 7) en is ’n Finansiële
Beplanner van die FPI en het
al verskeie bestuurskursusse
bygewoon. Hy is ook onder meer
’n gekwalifiseerde fasiliteerder en
assessor. Vir die afgelope 18 jaar,
vanaf 1998, het hy sy eie besigheid
en is een van die stigterslede van
die Mohapi Group, FSP722, ’n
kategorie II lisensiehouer by die
FSB (Finansiële Diensteraad) as
Finansiële Diensteverskaffer en
Beleggingsbestuurder. Bykomend
verskaf hy markinligting en beleggingsnuus aan SABC televisie en
radiostasies.
Vir Mohapi is sy lewensmotto
“om nooit as te nimmer op te gee
en altyd enduit deur te druk.”
Bykomend moet jy ook “altyd
deeglike beplanning doen en
onthou om jou droom uit te leef.”
Hy sien regtig uit na sy rol by
Senwes waar hy sal kyk na korpo
ratiewe bestuur, sowel as om ’n
oorsigtelike rol te vervul. Simon
is aangestel in die plek van Zarina
Bassa, wat na ’n 5-jaar termyn
uitgetree het. Ons wens Mohapi
’n rooskleurige toekoms by Senwes
toe.
SENWES Scenario • OKT/NOV 2016
37