••••
NUUS
Agri NW
kyk na omdraaistrategie
SENWES WAS WEEREENS
’N MEDEBORG VAN
DIE JAARLIKSE
AGRI NOORDWES
KONGRES WAT OP 6
EN 7 SEPTEMBER IN
LICHTENBURG GEHOU
IS. DIE TEMA VAN
DIE KONGRES WAS
“OMDRAAISTRATEGIE VIR
’N VOLHOUBARE AGRISEKTOR”.
MARLON ABRAHAMS
D
r Pieter van Jaarsveld, ’n
sielkundige en emosionele
intelligensie spesialis, wat met die
Springbok Sewesspan gewerk het,
het die kongres geopen met ’n
insiggewende voorlegging oor die
belangrikheid van emosionele intelligensie in besigheid. “Jou kwali
fikasies en kundigheid is minder
belangrik as die wyse waarop jy
oor mense en die wêreld waarin
jy leef, dink. In wese moet jy die
verandering wees wat jy graag wil
sien,” het hy Ghandi aangehaal.
Dr Van Jaarsveld het die 150 lede
van die gehoor laat skaterlag en in
vervoering gehad met sy ware verhale oor hoe ’n veranderde denkwyse tot besigheidsukses kan lei.
Pierre Vercueil, die president
van AgriNW, het gesê dat produsente gefokus moet bly op die
28
produksie van voedsel vir
die nasie. “Die volhoubaarheidsdebat duur
voort, met ’n aantal verskillende faktore uniek
tot Suid-Afrika, van
politiek tot klimaat, wat
’n invloed op die debat
uitoefen. ’n Gesonde landbousektor is nodig vir ekono
miese groei in ons land. Dit
maak nie werklik saak wie die land
regeer nie. Die vinnige pas van
verstedeliking beteken dat iemand
voedsel sal moet voorsien aan die
mense en die enigste mense wat
aan hierdie behoefte kan voldoen
is die Suid-Afrikaanse produsente.
Brand Pretorius, voormalige
hoof uitvoerende beampte van
McCarthy Beperk en Toyota SA,
het die kongres toegespreek oor
’n omdraaistrategie vir landbou
uit ’n besigheidsperspektief. Die
68-jarige voormalige leier het gesê
dat ’n omdraaistrategie geïmplementeer moet word teen die agtergrond van die huidige ekonomiese
realiteite.
“Riglyne vir ’n omdraaistrate
gie moet etiek insluit, dit moet
verandering aanvaar, transformasie
aanmoedig en bemagtiging en
die verligting van armoede en
ongelykhede bevorder. My droom
is om die gesigte van ’n aantal suksesvolle swart boere oor 5 jaar by
die AgriNW kongres te sien.”
Prof Johan Willemse van die
Departement van Landbou-eko
nomie van die Universiteit van
die Vrystaat het oor die praktiese
implementering van ’n omdraai
OKT/NOV 2016 • SENWES Scenario
Omri van Zyl, Uitvoerende
Direkteur van AgriSA.
strategie vir
landbou gepraat.
Sy voorlegging
is opgesom deur
die voorbeeld van
Poolse boere wat die
massamoord van 6 miljoen mense tydens die Nazi
besetting van Pole oorleef het,
en steeds daarin geslaag het om
volhoubare boerderye te bedryf.
“Toe ek vra hoe hulle dit gedoen
het, het hulle geantwoord: “Ons
het eenvoudig op ons besigheid
gefokus.”
“Ongeag die uitdagings van
die Suid-Afrikaanse realiteite,
moet boere daarop fokus om
winsgewende besighede te bedryf
en dit is waaroor ons debat moet
voer,” het hy gesê.
Omri van Zyl, Uitvoerende
Direkteur van AgriSA, het die
kongresgangers daaraan herinner
dat hulle bewus moet wees van
die veranderinge in die wêreld,
soos die Amerikaanse verkiesing,
die politiek van die Eurosone en
ontwikkelende ekonomieë. Almal
moet deel wees van die droom.
Ons wil die voedselmandjie van
Afrika wees en niemand gaan met
jou stry as jy verantwoordelik is
vir die produksie van voedsel vir
’n totale kontinent nie.” Hy het
bygevoeg dat “AgriSA verandering
kan predik tot hulle blou in die
gesig is, maar dit is nodig dat die
leiers van georganiseerde landbou
eerste moet verander”.