•••
RUBR I E K
MILANIE VOSLOO
FOTO: LEEF
DAAR IS MIN BOERE WAT GOD NIE KEN NIE
‘N
MISKIEN IS DIT OMDAT WERK-METDIE-AARDE JOU OP ANDER MANIERE
EWIGHEIDSWAARHEDE LEER.
Saaiboer begin
elke jaar van voor
af. Die oes is skaars van
die lande of hy neem weer
risiko’s. Vertrou dat die hoop
wat hy in die grond plant,
weer genoeg son en reën sal
ontvang om ‘n oes te lewer.
En is die wonder van ons
Vader se voor-begin-genade
nie juis die hoop waarmee
gelowiges leef nie? Is dit nie
dié wete wat ons help om
keer op keer maar weer te
probeer om die saad van
goedheid te saai nie?
‘n Tweede werklikheid
waarmee boere saamleef is
die feit dat hy nie in beheer
is nie. Hy kan die beste saad
plant, die groei daarvan met
wonderlike chemiese middels
beskerm en uitstekende
boerderypraktyke toepas
sonder die waarborg van ‘n
winsgewende oes omdat daar
méér nodig is as menslike
hande. Omdat die natuur
uiteindelik die wins of
verlies bepaal. ‘n Boer weet
dat daar ‘n God is ... en dat
dit nie hy is nie. Dat hy sy
deel kan doen, maar dat
die Skepper uiteindelik die
uitkoms bepaal. Daarom
weet boere dat geloof nie ‘n
waarborg vir sukses is nie,
maar dat dit veel eerder die
diep besef is dat hy as mens,
ondanks homself, maar net
met groot afhanklikheid van
58
die lewende God wil leef.
‘n Derde waarheid
waarmee ‘n boer gereeld
gekonfronteer word, is die
feit dat hy ’n konstante
stryd teen onkruid en plae
het. Iets wat hy gedurig
moet dophou, moet beheer
en onmiddellik moet
uitroei. Hy weet dat hierdie
dinge ‘n manier het om
gesonde plante se groeimoed te breek en die goedwees te steel. Miskien moet
ons onsself meer gereeld
aan hierdie natuurles
herinner: dat die goeie in
ons gedurig deur ‘n klomp
dinge onderdruk word. En
dat ons juis daarom met
die bewustheid van ons eie
feilbaarheid sal leef. Dat
ons gedurig weerstand sal
bied teen die dinge wat ons
vrede, vreugde en liefde
uiteindelik gaan steel.
Mag ons nooit ophou
om die waarhede wat
die lewe ons bied, raak
te sien, raak te hoor...
raak te leef nie.
Vader, ek besef
maar net weer
vandag dat ek
nie sonder U
kan leef nie. Nie
sonder U wíl
groei nie.
Okt/Nov 2015 • SENWES Scenario
WEN
Stap die pad na vrede saam met Milanie
Vosloo en die God van vreugde. In
Jou voetpad na VREDE vertel sy dat
God wil hê sy kinders moet deur Hom
gelukkige en vervulde mense wees.
Die 366 dagstukke bespreek verskeie
temas soos hoop, eerlikheid, nuut
glo, gee en ontvang, geluk en jy kan
maar net jý wees. Hierdeur sal lesers
die versekering ontvang dat gelowiges
weer kan probeer omdat ons onder
God se vergifnismantel leef, dat daar
altyd hoop is ten spyte van donker
oomblikke en dat ons mense met
rustigheid kan wees omdat God ons lei.
Milanie se gebed vir haar lesers is dat Jou
voetpad na VREDE hulle sal oortuig dat
God hulle nooit uit sy hand sal laat val
nie en dat hulle opnuut bewus sal word
van Sy liefde en genade-arm om hulle.
Die nuwe boek behels 366 dagstukke
in ‘n lekkerlees 412 bladsye uitgawe
waarvan die vrystellingsdatum Augustus
was, teen ‘n prys van R189.95 op
die rake is. Die boek volg op Milanie
se Sielskos vir die vrou wat lééf,
Laat Sy liefde jou lei, Gekoester in
God se liefde, Moed vir elke more,
Net soos jy is en Sielsgedagtes.
Wen met Senwes en Cum
uitgewers. Een gelukkige
leser kan ‘n kopie van
Jou voetpad na VREDE,
366 koesteroordenkings
op jou reis saam met die
God van vreugde wen.
SMS Senwes, Cum, jou
naam, telefoonnommer
en e-posadres na 31022
voor 16 November 2015.