•••
RUBR I E K
PLAASLIK: WITMIELIES:
Onderstaande grafiek dui die
prysverloop van witmielies op
Safex aan. Hierdie seisoen het nou
uitgeloop en begin die mark te kyk
wat vir die volgende seisoen verwag
word. Die seisoenale prys het nie
die tradisionele patroon gevolg nie
weens die droogte wat hierdie seisoen
ervaar is. Die witmielieprys het reeds
sedert Maart vanjaar begin styg tot
‘n piek gedurende Julie. Sedertdien
het die prys redelik sterk teruggesak,
hoofsaaklik op grond van die laer
internasionale prys. Die verswakkende
rand het egter die prysdaling beperk.
Daar is ook onsekerheid oor die
stand van die witmielie-invoere na
Suid-Afrika en die werklike grootte
van die oes. Die ope vraag is: Gaan
daar weer ‘n weerpremie in die prys
wees, wat gewoonlik gedurende begin
Oktober in werking tree? Daar is wel
verskeie faktore wat ondersteunend
tot die weerpremie kan wees, soos
die uiters lae vlak van opgegaarde
vog in ons mieliegronde en die El
Niño episode wat voorspel word.
Tyd sal egter leer wat gebeur.
Onderstaande grafiek dui die
afgelope seisoen se prysbeweging
van witmielies teenoor die
langtermyngemiddeld aan.
VOORRAADVLAK VAN
WITMIELIES:
Die berekende oordragvoorraad vir
die 2015/2016 bemarkingsjaar is op
‘n redelike gemaklike vlak. Daar is wel
‘n mate van onsekerheid oor die finale
oesgrootte. Die algemene gevoel is dat
die witmielie-oes effens laer kan wees.
Soos reeds vermeld is daar egter groot
onsekerheid oor die komende seisoen
se klimaatsituasie, in terme van die
vlak van die grondvog, wanneer die
hoofaanplantings kan realiseer en die
El Niño-tipe seisoen wat verwag word.
Dit kan tot redelike prysondersteuning
gedurende die voorjaar aanleiding gee.
Goeie reën en ideale klimaatstoestande
kan weer druk op die prys plaas vanaf
middel Januarie. Ons sal moet wag
46
en sien wat die seisoen vir ons
inhou. Produsente moet verseker
dat hulle nie te veel aan prysrisiko
blootgestel is nie. Praat met jou
graanmakelaar of -verkryger.
OLIESADEKOMPLEKS:
Die sonneblom- en sojaboonpryse
op Safex word gewoonlik deur
die sogenaamde internasionale
oliesadekomplekspryse beïnvloed.
Dit sluit sojabone, kanola,
sonneblom en Maleisiese palmolie
in. Die wêreldoordragvoorraad van
sojabone is tans hoog. Die Chinese
ekonomie, wat maar pap vertoon,
plaas ook baie groot druk op
die internasionale sojaboonprys.
Okt/Nov 2015 • SENWES Scenario
Weens ‘n spasiebeperking kan
die oliesadekompleks nie in
detail bespreek word nie.
OPSOMMING EN
GEVOLGTREKKING:
Internasionale graan- en oliesadepryse
is weens veral twee redes redelik onder
druk. Die eerste rede is die betreklike
groot oordragvoorrade in die wêreld
en tweedens die Chinese ekonomie
wat baie “pap” is. Die klimaat wat
in ons somerproduksiegebiede gaan
heers dié komende voorjaar kan wel
tot ‘n klimaatpremie aanleiding gee.
Produsente moet hulle nie oormatig
aan prysrisiko’s blootstel nie. Praat met
jou makelaar of graanverkryger.