R UB R IE K
•••
land. Volgens die onderstaande
grafiek dui die IMF wel ‘n stadige
herstel in die Griekse en Chinese
ekonomie tot 2020 aan, wat weer
die hoop laat opvlam vir beter
internasionale kommoditeitspryse.
DIE INTERNASIONALE
MIELIESITUASIE:
Die berekende oordragvoorraad
van mielies in die wêreld staan
op ‘n 29-jaar hoogtepunt. In
terme van ‘n persentasie van
verbruik staan dit tans op ‘n
14-jaar hoogtepunt. Met die
relatiewe groot oordragvoorraad
en die verslapping in die
wêreldekonomie, is pryse redelik
onder druk. Die onderstaande
grafiek is selfverduidelikend.
ENERGIESITUASIE IN DIE VSA:
Wat die internasionale mielieprys
sedert 2005 aangevuur het, was
onder andere die energiesituasie
in terme van ruolieproduksie
in die VSA. Uit onderstaande
grafiek is dit duidelik dat
die VSA slegs 4 miljoen vate
per dag kon produseer. Dit
was slegs 40% van hulle
petroleumenergiebehoefte. Vrese
dat hulle meer en meer afhanklik
raak van ingevoerde energie, het
hulle etanol-uit-mielieprojek
geaktiveer en word daar tans
38% van die Amerikaanse
mielie-oes in etanol verwerk.
Intussen het die Amerikaanse
petroleumproduksie gestyg
tot amper 9.5 miljoen vate
per dag, wat 60% van hulle
energiebehoefte uit petroleum
is. Dit is hoofsaaklik as
gevolg van die sogenaamde
“shale revolution” waar
skaliebreking toegepas word.
Daar is dus nie meer die
groot druk op die vraag
na petroleum nie, veral
in die VSA, en het die
internasionale ruoliepyse
verder na vlakke gedaal waar
dit vir sekere etanolaanlegte
nie meer lonend is om
etanol te produseer nie. Dit
plaas verdere druk op die
internasionale mielieprys.
INTERNASIONALE
MIELIEPRYS:
Die Amerikaanse mielieprys
beweeg op ‘n relatiewe lae vlak
teenoor die vorige paar jaar,
vir die redes reeds vermeld.
Die Amerikaners se oes is
klimatologies sogenaamd
“deur” en hulle het in die
suide begin stroop. Die prys
beweeg dan tradisioneel na
laer vlakke. Die verwagting is
dat die prys vir ‘n geruime tyd
op die vlakke gaan beweeg.
SENWES Scenario • Okt/Nov 2015
45