R UB R IE K
•••
Hoe maak ek my
JAGGEWEER MEER AKKURAAT?
’N KLANT HET MY ONLANGS GEVRA HOE GEREELD
JY JOU GEWEER MOET SKOONMAAK. JACO KRUGER
B
aie mense gaan nie
saamstem met wat ek
nou gaan sê nie, maar dit is oor
en oor bewys deur Benchrest
skuts regoor die wêreld - hoe
skoner jou geweer hoe beter
skiet hy.
Kom ons kyk na die
skoonmaak van jou jaggeweer.
As die skoot gevuur word,
is daar twee produkte wat
agterbly in die loop.
Koolstof (carbon) wat
ontstaan deur die dryfmiddel
wat ontbrand en koper
wat afgegee word deur
die projektiel (punt) wat
deur die loop versnel.
Die eerste stap is om
skoonmaakmiddels te kry
wat die twee neweprodukte
sal verwyder. Daar is baie
skoonmaakmiddels op die
mark en elke skut het uiteraard
sy produkte waaraan hy glo.
My jare se skietondervinding
het my geleer dat dit beter is
om die twee neweprodukte
apart aan te spreek. Jy kry
twee skoonmaakmiddels een vir koolstof (carbon)
en een vir koper.
Onthou altyd dat die
skoonmaakmiddel ‘n chemiese
reaksie met die koolstof en
koper tot gevolg het. Sorg altyd
dat jy genoeg tyd toelaat vir
die reaksie om plaas te vind.
Die meeste skuts plaas
die skoonmaakmiddel op ‘n
lappie en druk dit deur die
loop, gevolg met ‘n skoon
lappie dadelik daarna. Die
skoonmaakmiddel het dan
geen tyd om die chemiese
proses te laat plaasvind nie.
Die meeste
skoonmaakmiddels op
die mark bevat sintetiese
ammoniak, wat nie skadelik
vir die geweerloop is nie.
Gee die skoonmaakmiddel
DEEL 5
so vyf tot tien minute kans om
sy werk te doen. Glo my, julle
gaan die verskil sien. Herhaal
die proses tot jy tevrede is.
Die skoonmaak van ‘n
jaggeweer is lekker as jy die
resultate daarna sien. Probeer
dit, jy gaan nie jou geweer ken
nie. Akkuraatheid gaan verbeter.
Produkte vir al jou
skoonmaakbehoeftes
is by al die Hinterland
wapentakke beskikbaar.
Jaco Kruger het sy nasionale
kleure in Benchrest skiet
verwerf en het sy land verskeie
kere verteenwoordig. Hy is ook
‘n aktiewe SA Jagterslid.
SENWES Scenario • Okt/Nov 2015
35