RUBRIEK
Kos vir die siel
Milanie Vosloo
Met min kan Hy
baie doen
D
is heel normaal om te voel dat mense wat die regte
waardes leef, leiers wat met integriteit lei en diegene
wat die waarheid onderstreep, al hoe minder word.
Dit kan ’n mens selfs bang maak.
Totdat ons weer die verhaal van Gideon lees. Verlede
maand het ons weer onthou hoe Gideon tekens van God
wou hê dat dit regtig hý is wat die volk moet bevry. Hier lees
ons dan hoe Gideon meer as 44 000 manne bymekaarmaak
vir die geveg teen die magtige Midianiete. Nee, sê God, dis
te veel. “Sê vir die manskappe elkeen wat bang is om te
gaan veg, mag van die Gileadberg af wegdraai en terug-
gaan huis toe.” Net 10 000 bly oor! En weer sê God dat dit te
veel is en sif Hy die manne verder uit totdat net 300 oorbly.
Die res is geskiedenis. Die vyand word verslaan en hulle het
nooit weer herstel nie (Rigters 8:28).
Dieselfde God wat met ’n klein klompie dapper manne
duisende mense kan verslaan, regeer vandag nog! En
steeds sê Hy: “Ek is dan saam met jou!” (Rigters 6:16).
Miskien moet ons net weer vandag onthou:
• Die waarheid het ’n manier om – ongeag die sneeubalef-
fek van die leuen – altyd iewers ’n einde aan iets te bring.
• Ons Vader dryf – selfs in tye wat dit lyk of dinge heeltemal
ontspoor – steeds die lewenslokomotief.
• God het ’n manier om – afgesien van die dinge waaroor
ons nie beheer het nie – tog wonderwerke te laat gebeur
op maniere wat ons glad nie verwag nie.
• Hy werk nie met getalle nie, maar met en deur ’n klein
klompie gelowiges se harte.
• Gebed kan meer doen as wat ons of enige een kan ver-
wag.
• God het my en jou nodig om ook in hierdie land wonder-
werke te laat gebeur.
God kan met min alles doen. Met niks die wêreld skep. Met
dapper gelowiges ’n lewe van oorwinning bly bou. Ons moet
maar net gehoorsaam, gewillig en binne Sy genade bly.
Vader, dankie dat U aan my hoop en verwagting gee. Help
my om dit te leef.
40
SENWES SCENARIO | HERFS • AUTUMN 2020
Wen Milanie Vosloo
se nuwe boek
SIMFONIE VAN SEËN
Topverkoperouteur Milanie Vosloo, wat die geloofsrubriek Kos
vir die Siel vir Senwes Scenario skryf, neem lesers met haar
nuwe boek Simfonie van Seën op ’n jaarlange reis om God
se goedheid en seën elke dag in hulle lewens te ervaar. Want
God se wens vir elke vrou is dat sy gelukkig en vervuld sal
wees.
Die 52 weke van die jaar is volgens temas gerangskik wat
sy met sorg uitgekies het. Met 5 dae se oordenkings, ’n gebed
vir dag 6 en geleentheid vir nadenke op dag 7, sal hierdie
pragtige dagboek jou moed en krag gee in die tye wanneer die
lewe oorweldigend voel, tye van seerkry wanneer jy vertroos
ting nodig het, maar ook vreugde en blydskap in die tye wan-
neer dit met jou goed gaan en jy voel die lewe is ’n lied.
Die boek spog met 372 pragtig-ontwerpte tweekleurbladsye
en is ’n ideale geskenk vir elke vrou in jou lewe of selfs net ’n
lekker bederfgeskenk aan jouself.
Wen met Senwes en Cum Uitgewers
Wen met Senwes en Cum Uitgewers. Een gelukkige leser
kan ’n kopie van Simfonie van Seën wen. SMS slegs
Senwes, Cum, jou naam, telefoonnommer en e-posadres na
31022 voor 31 Mei 2020.
Standaard sms-tariewe geld en geen werknemers van Senwes
mag deelneem nie. Vir die volledige kompetisiereëls, besoek
die webtuiste www.senwes.co.za.