ALGEMEEN
RUBRIEK
Uit die Woord
Om iemand vir jou
vistenk te verkies
O
m iemand te verkies om die land en landbou binne
die land te lei, is sekerlik een van die belangrikste take
daar buite.
So baie hoor mens dat jy moet weet in watter vistenk
jy swem. Wel, tydens die afgelope 2019 Suid-Afrikaanse nasio
nale verkiesing in Mei, was ons as landsburgers deel van ’n
magdom van 26,7 miljoen kiesers wat by amper 33 000 stemlo-
kale hulle kruisies getrek het. So word die toekoms van omtrent
60 miljoen Suid-Afrikaners vir ten minste nog 5 jaar bepaal. So,
hierdie is nogal ’n relatiewe groot vistenk nê?
Nie noodwendig nie... oor die afgelope 5 weke in April en Mei is
Indië se nasionale verkiesing ook gehou. Aan die bokant van die
skaal was hulle amper 900 miljoen kiesers wat by amper 1 miljoen
stemlokale hul kruisies getrek het, wat hul bevolking van amper
1,4 miljard mense se toekoms bepaal.
Af op die skaal is die Cocos Eilande met die kleinste bevolking
van slegs 596, die Falkland Eilande met ’n bevolking van 3 400
en Montserrat met ’n bevolking van slegs 4 900. In die groter
spektrum is dit nogal klein vistenke om in te swem.
Om dit in perspektief te plaas, gaan daar vanjaar buiten die boge
noemde lande ook talle ander verkiesings die wêreld oor gehou
word wat, glo dit of nie, ’n impak op die helfte van die aarde het.
Amper 4 miljard mense.
Swem lekker in jou vistenk, maak nie saak hoe groot of
klein dit is nie.
Kom niks kort nie…
Ds. Willie Botha
Lees: Psalm 23
Boerdery is die oudste beroep waarvan ons weet. ’n Herder
het in die antieke tyd van een weiveld na ’n volgende ver-
sit. Daar was nie kampdrade soos ons dit vandag ken nie
en die beweging van ’n herder en sy kudde was onbeperk.
Die gevolg daarvan was dat daar kompetisie om weiveld
en water was. In ’n droë land is dit verstaanbaar. ’n Verdere
gevolg was dat vee maklik deurmekaar kon raak. Dit was
egter nie ’n probleem nie, aangesien die herders hulle vee
so goed geken het dat dit maklik van mekaar onderskei kon
word. Die skape het gewoonlik ’n herder se stem geken en
hulle sou hom spontaan volg. Vir ’n herder was sy skape sy
lewe. In die warmer somermaande het hy by hulle in die veld
geslaap. As hulle siek of swak was, het hy hulle gedra, as
hulle weggeraak het, het hy hulle gaan soek. Skape was veral
waardevol vir hulle wol, vleis, velle en horings. Bokke se velle
was baie waardevol en ’n goeie bokooi kon soveel as 3,5 liter
melk op ’n dag gee. Boerdery was nie vir ’n bestaansboer ’n
besigheid nie, dit was sy roeping, dit was sy hele lewe. Geen
wonder dat in Johannes 10 die beeld waar ’n herder sy lewe
vir sy skape aflê, op Jesus van toepassing gemaak word nie.
Dawid se heldhaftige optrede teen leeus en bere wat die
kudde bedreig, beaam dit.
Selfs die beste boer faal soms. Daar is omstandighede waar
oor hy/sy nie beheer het nie. Ernstige siektes soos bek-en-
klouseer, bloutong, bloednier en baie ander kan toeslaan met
groot en skielike verliese. Boere in die kouer dele van ons
land ken almal stories van angoras wat in die middel van die
nag in skure en stalle ingejaag word, hanslammers grootmaak
en ooie vasmaak wat nie lammers wil laat drink nie. Die kon-
temporêre boer moet verder ongunstige en ekonomiese- en
politieke omstandighede in ag neem.
Psalm 23 vertel van die Boer van alle boere. Hy lei Sy skape
met volmaaktheid. Net Hy kan daarop aanspraak maak dat Sy
kudde niks kortkom nie. Sy skape wat met gemoedsrus Hom
volg, want Hy gee vir hulle die beste weiding en die veilige
waters om te drink. Hy lei hulle op die beste paaie en net Hy
kan vir hulle nuwe krag gee. Op die gevaarlikste plekke wat
bekend is vir dood, bewaar Hy hulle.
Die gelukkige skape van Psalm 23, is ons. Ons wat van ewige
versorging en genade kan getuig. Van die waters van bewa
ring en weivelde van oorvloed. Die dra deur die droogtes en
die luister na ons bid vir reën. En ’n Herder wat bereid was
om sy lewe vir ons af te lê…
02
SENWES SCENARIO | WINTER 2019