AREAFOKUS
Meer as net die N12 in
Wollies
Wees nou eerlik. Wat weet jy van Wolmaransstad, buiten dat dit op die N12 geleë is?
Deur Aubrey Kruger
W
el, in die begin was Wolma
ransstad en die omliggen-
de omgewing bekend vir
skaapboerdery. Maar die
dorpie op die gewilde N12 skatkisroete,
wat van Johannesburg tot in die Kaap
strek, is selfs nou vir baie Suid-Afrikaners
net ’n kolletjie op die padkaart onderweg
na hulle eindbestemming elders.
DIE ONTSTAAN VAN DIE DORP
Maak jou reg vir ’n Noordwesles. Die dorp
is sowat 80km van Klerksdorp en 56km
van Bloemhof en reeds in 1888 op die
Rooderand en Vlakfontein plase uitgelê en
is drie jaar later, in 1891, as dorp verklaar
is. En nee, dis nie wol nie. Wolmaransstad
is vernoem na Jacobus M.A. Wolmarans,
’n destydse raadslid. Interessant.
VAN GRAANDORP TOT SPIERWIT
SPROKIESLAND
Wolmaransstad is eerstens ’n graandorp,
met mielies en sonneblom wat hoofsaaklik
hier geproduseer word. Plaaslikes vertel
dat, soos in ander dele van die land, hulle
ook deesdae baie meer sojabone produ-
seer, vanweë die mieliepryse, terwyl ander
weer ’n bietjie skrikkerig is vir dié gewas.
Vars nuus is dat die dorp dalk binne-
kort in ’n spierwit sprokieswêreld omskep
gaan word, met katoen wat weer sy kop
uitsteek met die heel eerste katoenstrip-
per in die Senwesbedieningsgebied, ’n
John-Deere CS690, wat hier deur die
Schweizer-Katoengroep aangeskaf is.
16
SENWES SCENARIO | WINTER 2018
BEKENDE BAKENS OP DIE DORP
Die Makwassiespruitbrug is die lewens
aar van die gebied en dit het menigte in
2017 net weereens besef toe die spruit na
deurdringende reën sy walle oorstroom
het, en die inwoners van die res van die
land afgesny was.
Die Biltongden is ’n bekende stop
en reg langs die rivier die kry jy die De
Wijnwinkel en Brouery van Gert en Wilna
Jacobs met talle wyne en waar jy ook kan
proe aan van die ander lekkernye wat die
apteker op die dorp vir jou kan opdis.
’n Bietjie verder af kry jy die nostal-
giese Thomas Leask Gastehuis, waar
oudpresident Paul Kruger soms tuis-
gegaan het. Die Leasks was juis die
eerste besigheidspersone op die dorp.
In die middel van al die rooi kettingwin-
kels op die dorp, is daar ’n gedenkplaat
wat selfs die ervare geskiedkundige
dalk kan mis. Dit gedenk die eerste
Transvaalse sendingstasie wat in 1822,
15km vandaar op die plaas Witpoort,
geleë was. Eerwaarde S. Broadbent en
eerwaarde T.L. Hodgson, Wesleyaanse
sendelinge, was die eerste westerlinge
oor die Vaalrivier.
Dan sal jy ook baie diamantmyne
in die omgewing vind waar kopers van
heinde en verre kom om ons gesogte
edelgesteentes aan te skaf. Ons fokus-
produsent, Buks van Wyk, is juis een van
hierdie delwers.
KERKE
Soos gebruiklik is kerke ook in ons fokus.
Die NG Kerk op die dorp is deur die
bekende argitek Gerard Moerdijk ontwerp,
wat ook die Voortrekkermonument ont-
werp het, asook talle ander kerkgeboue in
die land.
Die Hervormde Kerkgebou is ook al
sedert 1954 daar. Die vorige kerkgebou is
as flieksaal gebruik voor dit gesloop is.
Skoolgewys is daar ook ’n belang
rike jaarlikse gebeurtenis - die FNB
Classic Clash tussen die Hoërskool
Wolmaransstad op die dorp en hulle
eweknie in Klerksdorp, Hoërskool
Schoonspruit.
BEKENDES VAN DIE GEBIED
Die ou toekomsvoorspeller, Siener van
Rensburg en sy familie, is van die gewes
te en indien jy moeite wil doen, is die
Siener van Rensburg begraafplaas verse-
ker ’n moet. Dan is oud-politikus Brand
Fourie ook van die gebied.
DIE HINTERLAND TAK
Nog ’n W in Wollies is Willem Spies, die
takbestuurder by die Hinterland tak, waar
hy en sy 23 personeellede hard besig is
om Wollies in ’n Senwes en Hinterland
paradys te omskep.
Daar is al die afgelope 12 jaar ’n
Senwes Equipment-tak op die dorp geleë.
Winkelgewys het hulle ses jaar gelede
begin handel dryf en in Augustus 2017
is ‘n area van slegs 32m² vergroot tot
170m². Daar wag nog groot dinge op
ons klante wanneer die nuwe tak in 2018
geopen word.
NUWE TAK
Personeel kan nie uitgepraat raak oor die
nuwe tak nie. Hier word die winkelarea