HO O F A R T IKE L
Watertekorte
•••
behaal krisisvlakke in
Tswelopele-gebied
Grainovation verskaf die vervoer van die bale en droogtepille
na die droogtegeteisterde dorpe, Hoopstad en Bultfontein.
tenks van 130 000 en 90 000
liter deur die gemeenskap opgerig
om water te berg wat drink- en
besproeiingswater insluit, volgens
skoolhoof Jaco Kotze. Die voorsitter van die skool se beheerliggaam, Johan Pienaar, vertel dat
die hulp aan die skool ’n bespa
ring van tot R8 000 per maand
in die waterrekening van die
skool meebring in hierdie tyd.
DIE HUIDIGE SITUASIE
Die voorsitter van Bultfontein
Distrikslandbou, Herman
Meiring, beaam dat slegs sowat
10% mielieaanplantings gedoen
is, 15% sonneblom en 1%
sojabone en grondbone. Die
voorsitter van Hoopstad-Suid
Boerevereniging, Riaan Taljaard,
het op sy beurt gesê dat die
mielieaanplantings in hulle area
ook 10% beloop en laat sonneblomaanplantings beloop sowat
30% van die normale aanplan
tings.
REËN
Volgens beide Meiring en
Taljaard het hulle slegs 30 mm
reën tussen September 2015 en
Januarie 2016 ontvang, wat die
gebied lam gelaat het. Daarna het
daar sowat 270 mm tot 320 mm
reën vanaf 18 tot 22 Januarie en
weer vanaf 4 tot 7 April geval.
“As gevolg van die laat reën
is die hergroeiperiode van gras
in die weidingsgedeelte van
Bultfontein baie beperk,” het
Meiring aangevoer. Vee is derhalwe verkoop en slegs kernkuddes
is oorgehou vir die voortbestaan
van die produsent en sy werkers.
DIE IMPAK SLEGS OP HIERDIE AREA
Die impak is groot aangesien
daar sowat 183 000 hektaar land
ter sprake is met 86 000 hektaar
by Bultfontein en 84 000 by
Hoopstad. 8 000 hektaar en
5 000 hektaar is onderskeidelik
onder besproeiing by die twee
dorpe.
WATER
Die gebied ontvang 99% van sy
water van die Erfenisdam, wat
tans slegs 10.25% vol is. Daar is
ook al vir ’n geruime tyd waterbeperkings op die dorpe en water
is net op sekere tye beskikbaar.
Huidige skattings is dat die dorpe
nog net tot 17 Oktober 2016 van
water voorsien sal kan word.
KOSSKENKINGS
Die gemeenskap is ook besig met
voedingskemas en kospakkies
wat aan behoeftige kinders by
skole in die omliggende streek
uitgedeel word. Verdere proble
me wat ervaar word is dat daar
minder van seisoenswerkers
gebruik gemaak word. Dus is
daar ook minder geld in omloop,
wat weer sy eie probleme meebring. Benewens lae aanplantings, min reën en watertekorte is
kontantvloei dus ’n addisionele
probleem.
Vir meer inligting of om hulp
aan te bied, kontak Herman
Meiring by 083 292 3427 of vir
Riaan Taljaard by 082 856 6533.
DIE LANDBOU-UNIES van
Bultfontein en Hoopstad-Suid
doen ’n beroep op almal in die
gebied, en inderdaad regoor die
land, om bystand te verleen aan
die Tswelopele Munisipaliteit en
gemeenskap in hul stryd teen die
droogte deur gebottelde water aan
die betrokke dorpe te skenk. Besoek
die Tswelopele Water Shortage and
Animal Feed Project facebook-blad
vir meer inligting.
Almal wat wil help kan gebottelde water aflewer by die Senwes/
Hinterland takke in Bultfontein en
Hoopstad respektiewelik. Indien
u sou verkies om ’n finansiële
bydrae te maak, deponeer asseblief enige bedrag in die volgende
bankrekening: Bultfontein Distrik
Landbou-unie, ’n nie-winsgewende
organisasie, by ABSA Bank,
Rekeningnommer: 9260809457,
Tak: Bultfontein, Takkode: 334235.
’N OPSOMMING VAN DIE SITUASIE
Die Erfenisdam verskaf sowat 99%
van die water wat benodig word in
Bultfontein en Hoopstad via die
Vetrivier. Die damvlakke is tans op
’n skrikwekkende 10,25%, wat beteken dat, teen die huidige gebruiks
tempo, daar slegs tot 17 Oktober
2016 water aan die dorpe verskaf sal
kan word!
Die krisis is ’n realiteit en dit
stuur af op ’n ramp vir mens en dier.
Mede-Suid-Afrikaners, maatskappye
en ander organisasies word versoek
om bydraes te lewer ten einde ons te
help om die verlammende effek van
die droogte te bekamp.
Kontak asseblief die voorsitter van die Bultfontein Distrik
Landbou-unie, Herman Meiring by
0832923427 of stuur ’n e-pos aan
[email protected] om uit te vind
hoe jy ’n verskil kan maak.
SENWES Scenario • JUN/JUL 2016
5