RUB RIE K
Energiepryse
Wat verder die internasionale mielie- en sojaboonprys ondersteun
is die hoër ruoliepryse. Aangesien
die Amerikaanse etanolproduksie
bykans 44% van hul plaaslike verbruik van mielies uitmaak, speel
die internasionale ruolieprys ook
’n groot rol in die prysvormings
proses. Die ruolieprys het met
bykans 63% gestyg sedert middel
Januarie 2016 (Grafiek 2). Baie
etanolaanlegte begin weer geld
maak, wat die vraag na mielies laat
styg en dit ondersteun die prys van
die kommoditeit.
Internasionale graan- en
oliesadesituasie
Grafiek 3 dui die prysverloop van
geelmielies op CBOT aan. Ons
kan sien dat die mielieprys relatief
laag is en produsente wat redelik
van produksiekrediet gebruik
maak, maak nie veel geld met ’n
prys van onder $4/bu nie. Die
groot oordragvoorraadvlakke in die
VSA en die wêreld is die hoofrede
vir die betreklike lae internasionale
mielieprys.
Grafiek 4. Wisselkoersbeweging
•••
Heersende klimaat in die VSA.
Brasilië ervaar tans ’n droogte
oor dele van sy mielieproduse
rende gebiede en daar is meer
uitvoerverpligtinge aangegaan as
wat hulle kan nakom. Dit bring
mee dat die Brasiliane mielies
sal moet invoer. Die voorspelde
La Niña-episode word vir die
komende seisoen verwag en dit
kan veral tot droogtesituasies
in die suidelike state aanleiding
gee. Die Amerikaners is ook
fluks besig om te plant en hul
plantvordering vir die afgelope
week is geskat op 45% teenoor
38%, wat hulle 5-jaar gemid
delde plantvordering is. Die
plantvordering ten opsigte van
sojabone is ook hoër as die 5-jaar
gemiddeld.
Die rede vir die vinnige
plantvordering is die feit dat die
meeste lande goed afgedroog is
en dat oornat toestande nie ter
sprake is nie. Meegaande kaart
dui die heersende klimaat in
die VSA aan. Daar is wel kolle
wat begin droog word, veral
in die suidelike state. Skade as
gevolg van oornat toestande
in Argentinië is ’n verdere
prysondersteunende faktor. Die
La Niña-episode wat vir die
komende seisoen voorspel word,
het gewoonlik ’n droogte oor
die suidelike state tot gevolg.
Dit ondersteun die Amerikaanse
mielieprys tot ’n mate.
PLAASLIK
Wisselkoersbeweging
Die rand het ook versterk sedert
Januarie 2016, alhoewel dit nog
baie wipplank ry. Dit lei tot goedkoper ingevoerde mielies, soja
bone en sonneblom en plaas op
sy beurt weer druk op ons Safex
pryse. Vir die kort termyn lyk
dit of die rand weer kan verswak,
wat weer prysondersteunend is
(Grafiek 4).
> VERVOLG OP BLADSY 38
SENWES Scenario • JUN/JUL 2016
37