GRAANMAKELAARS
Witmielieverskansingsalternatiewe
Invloedryke markprysdrywers (2)
Hierdie artikel is die tweede in ‘n kort reeks artikels wat daarop gemik is om praktiese
insig te gee oor hoe die seisoenale prysontwikkelingsverwagting geïnterpreteer
en geëvalueer kan word ten einde ‘n meer ingeligte besluit te neem rakende
prysrisikobestuur.
� Frans Dreyer
Bestuurder: Senwes Graanmakelaars
Tabel 1 gee 'n samevatting van al
die faktordata wat gegroepeer is
op grond van 'n hoë, medium en
lae waarde vir hul onderskeie persentielwaardes
gedurende die plantvenster, wanneer
'n prysvormingsverwagting gevorm
word om 'n ingeligte verskansingsbesluit
te neem. Dit beteken dat hierdie faktore 'n
spesifieke waarde op 'n spesifieke tydstip
aanneem, en die relatiewe waarde van
hierdie faktore die koppeling van verskillende
produksieseisoene moontlik maak
op grond van die ooreenkomste tussen die
faktorwaardes van verskillende produksieseisoene
op 'n spesifieke tydstip.
Die interpretasie van die persentielgroeperingswaardes
vir al die faktore het
bevestig dat die persentielgroeperingsmetode
die nodige basis vorm om
soortgelyke seisoene te verbind op grond
van die ooreenkomste in die relatiewe
faktorwaardes. Die veranderinge van die
faktorwaardes gedurende 'n gegewe produksiejaar
kon ook logies gekoppel word
met prysvorming in die Julie-termynkontrak
vir witmielies op 'n spesifieke tydstip.
Ten spyte hiervan, kon nie een van die
faktore, met die moontlike uitsondering
van die SOI-faktor, ‘n vooruitskouing gee
waarop 'n logiese afleiding gemaak kon
word oor die verwagte prysvorming van
die Julie-termynkontrak vir witmielies nie.
Verder het dit geblyk dat dit onprakties
sou wees om elke faktor in isolasie te
evalueer en dat deurlopende evaluering
van die wisselwerking tussen die faktorwaardes
gedurende elke produksiejaar,
nodig sou wees.
Desnieteenstaande het verskeie evaluerings
getoon dat die model dit moontlik
maak om ooreenkomste tussen die invloedryke
faktore vir verskillende seisoene
te identifiseer. Twee spesifieke prysbepalende
faktore in die vorm van die deurlopende
prys van witmielies (vasgestel
deur middel van die 100-dae en 200-dag
bewegende gemiddelde houding) en El
Niño/La Niña het veral duidelike ooreenkomste
tussen seisoene aangedui. Die
model het gevolglik die middele gebied
om produksiejare in verskillende kombinasies
te verdeel ten einde 'n toepaslike
konsensus te bereik vir die prysontwikkelingsverwagting
van die Julie-witmielietermynkontrak
(d.w.s. opwaarts, afwaarts of
sywaarts). Hierdie konsensus het ook die
nodige inligting gebied wat ‘n produsent
benodig om 'n meer optimale verskansingstrategie
te implementeer.
40
38
SENWES SCENARIO | WINTER 2020