LANDBOUKUNDIG: PROMOSIE
Mikotoksiene:
’n Nuwegenerasie-oplossing
Verliese weens mikotoksiene kos
die wêreld se veeteeltbedryf
miljarde rande per jaar. Daarom
is ’n doelgerigte oplossing om hierdie
verliese te bekamp, deurslaggewend. ’n
Mikotoksiendeaktiverende voerbymiddel
met ’n drievoudige benadering bied
juis so ’n oplossing. Die jongste
Biomin Mikotoksienopname (2019)
vanuit die Afrika-streek, toon dat
voergereedprodukte en roukommoditeite
dikwels skadelike mikotoksiene bevat
teen vlakke wat ’n bedreiging vir
dieregesondheid en -prestasie inhou. Die
mikotoksiene wat meestal in monsters
voorgekom het, is deoksinivalenool
(DON), fumonisien (FUM) en zearalenoon
(ZEN). Dit word gevolg deur aflatoksien
(AFLA), T-2-toksien (T-2) en okratoksien-A
(OTA). FUM en DON is in vier uit die
vyf mieliemonsters wat getoets is,
geïdentifiseer. In voergereedprodukte
het FUM die hoogste voorkoms getoon.
Al die koringsemelmonsters wat getoets
is, was met DON besmet. Hooi- en grasroumateriale
wat nie gewoonlik oorweeg
word nie, het ’n hoë voorkoms van ZEN en
FUM getoon.
Wedersydse blootstelling
Ons weet uit dekades se navorsing
oor mikotoksiene, dat hulle geneig
is om in groepe voor te kom. Hierdie
verskynsel, wat bekend staan as
wedersydse blootstelling of -kontaminasie,
is nie net algemeen nie, maar hou ook
verdere risiko’s vir diere in. Volgens
die bogenoemde 2019 Afrika Biomin
Mikotoksienopname, het die monsters
wat ontleed was gemiddeld 34
verskillende mikotoksiene en metaboliete
per monster getoon, met 97% van die
monsters wat Fusarium-gifstowwe bevat
het. Inaggenome die verskeidenheid
mikotoksiene wat gesondheid en
prestasie kan benadeel, is ’n veeldoelige
benadering duidelik nodig om diere beter
te beskerm. Biomin se wetenskaplike
navorsing van die afgelope paar
dekades rakende die deaktivering van
mikotoksiene, het ‘n voerbymiddel of
mikotoksien-deaktiveerder, Mycofix® 5.0,
gelewer wat in drie verskillende aksies
volledige beskerming teen mikotoksiene
bied. Hierdie aksies is biotransformasie,
adsorpsie en biobeskerming. Wedersydse
mikotoksienkontaminasie is die reël, nie
die uitsondering nie. Dit is dus belangrik
dat die mikotoksienproduk wat gebruik
word, verskillende komponente besit om
’n wye verskeidenheid mikotoksiene teen
te werk. ’n Nuwe eienskap van Mycofix®
5.0 is dat die onderskeie bestanddele
gemik is op enkele, spesifieke
mikotoksiene, maar ook onomkeerbaar is
deur biotransformasie – dit kan dus nie
ongedaan gemaak word nie. Behalwe die
bestanddele wat trigoteseen, ZEN, OTA
en AFLA deaktiveer, sny ’n gepatenteerde
gesuiwerde ensiem in die produk die
twee trikarballielsuurkettings van die
FUM-molekules af. Danksy gesuiwerde
ensiemtegnologie word FUM’e teen ’n
hoë spoed gehidroliseer tot nie-giftige
metaboliete.
Beter biobeskerming
Nog ’n nuwe kenmerk is die verbeterde
biobeskerming wat Mycofix® 5.0 bied.
Waar mikotoksiene selgroei in die
immuunstelsel belemmer en diere se
weerstand sodoende verswak, bevorder
die biobeskermingsmengsel in die
produk immuunselproliferasie wat die
lewer en immuunstelsel onderhou. Die
doeltreffendheid van hierdie wetenskaplik-
beproefde mengsel van sorgvuldig
geselekteerde plant- en alge-ekstrak,
word gestaaf deur die resultate van ’n
transepiteel elektriese weerstandstoets
(TEER). Hierdie toets meet die integriteit
van sellae in epiteelselle van die
ingewande. Mikotoksiene verlaag die
elektriese weerstand in hierdie selle deur
die sellaag oop te maak sodat patogene
die bloedstroom maklik kan binnedring.
Mycofix® 5.0 voorkom hierdie lekkasies
en ondersteun die ingewande se sellaag
en versperringsfunksie. Endotoksiene,
ook bekend as lipopolisakkariede (LPS),
vorm deel van die buitenste membraan
van alle Gram-negatiewe bakterieë se
selwande. Dit kan ’n sterk immuunrespons
teweegbring. Die kombinasie van die
bentoniet in die jongste weergawe van
die produk tesame met die nuwe, beter
biobeskermingsmengsel, bied ’n goeie
strategie vir die beheer van die negatiewe
impak van endotoksiene.
EU-gereguleer
Europese Kommissie (EK)
regulasienommer 1831/2003 bepaal
die reëls ten opsigte van die Europese
Unie (EU) se magtiging vir die gebruik
van bymiddels in dierevoeding.
Bymiddels is op grond van hul funksies
in verskillende kategorieë en groepe
ingedeel. Mycofix® 5.0 bevat die
enigste drie EU-gemagtigde bewese
voerbymiddels wat skadelike mikotoksiene
adsorbeer of mikotoksiene biologies
omskep in nie-giftige metaboliete
(regulasie 1016/2013, 1060/2013 en
1115/2014). Elke bestanddeel is volgens
wetenskaplike, praktiese en toepaslike
veldtoetse geëvalueer om veiligheid en
doeltreffendheid te verseker.
33
30
SENWES SCENARIO | WINTER 2020