LANDBOUKUNDIG
Tema: Fokus op fee
Alternatiewe
voerbronne vir herkouers
Wat moet in aanmerking geneem word?
Voer is die grootste enkele koste in beesproduksiestelsels en is alternatiewe en
goedkoper voer altyd in oorweging. Daar is verskillende roumateriale wat in herkouervoer
ingesluit kan word en is daar nie noodwendig enige spesiale aspekte wat oorweeg
moet word nie. Wat belangrik is, is watter voedingstowwe die spesifieke produk vir die
herkouer kan verskaf. Beesproduksiestelsels is gewoonlik afhanklik van ruvoere as die
basis van die voerprogram. Vir optimum produksie moet ruvoere egter met energie en/of
proteïen aangevul word om aan die diere se produksiebehoefte te voldoen. Verskillende
alternatiewe byprodukte is deesdae teen relatief lae koste beskikbaar wat as alternatiewe
voer gebruik kan word.
Dr Kobus Swart
Dierevoedingskundige
Diere kan nie die voedingwaarde
van ‘n voer benut indien die voer
nie ingeneem word nie. Gevolglik
is vrywillige voerinname die van uiterste
belang. Daar is nie ‘n enkele maatstaf
wat die voerinname kan voorspel nie,
maar daar is inherente eienskappe van
voere wat die vrywillige voerinname
beperk. Die droëmateriaalinname van
voer word direk deur die verteerbaarheid
van die voer bepaal, wat weer ‘n funksie
van ‘n gebalanseerde voer is. Herkouers
het ook ‘n behoefte aan effektiewe vesel
om oor die lang termyn ‘n gesonde
verteringskanaal en –funksie te kan
handhaaf. Grane is laag in veselinhoud
terwyl weidings, hooie, kuilvoere en
sekere byprodukte ‘n hoë veselinhoud
24
SENWES SCENARIO | WINTER 2020