•••
RUBRI E K
SLAGGATE
WILLIE LOUW
IN KORTTERMYNVERSEKERING
IN DIE VORIGE UITGAWE HET ONS AFGESLUIT
DEUR TE VERWYS NA DUBBELE VERSEKERING DIT IS WAAR DIESELFDE ITEM BY MEER AS EEN
VERSEKERAAR VERSEKER IS.
DUBBELE VERSEKERING
Sommige Versekeraars noem
dit ook Kontribusie, wat afgelei
is van “contribution”, met
ander woorde die bydrae wat
elke Versekeraar maak tot die
skade/verlies in geval van ‘n eis.
Ons het in die vorige
uitgawe gesê dat dit ‘n
versekeringsbeginsel is dat
versekering nie bedoel is om
as selfverrykingsmeganisme
te dien nie. Daarom mag
dieselfde item (woonhuis,
motor, ens.) nie by meer as
een Versekeraar verseker word
en by beide geeïs word vir
dieselfde voorval of verlies nie.
Indien dit egter wel sou
gebeur, is die verskillende
Versekeraars in verhouding
tot die bedrag waarvoor die
item by elke versekeraar
is, aanspreeklik vir die
versekerde se verlies.
Voorbeeld:
‘n Item word was volg verseker:
Versekeraar A
R 600 000
Versekeraar B
R 400 000
Versekeraar A sal
verantwoordelik wees vir 60%
34
(sestig persent) van die skade
terwyl Versekeraar B se bydrae
40% (veertig persent) sal beloop.
Dubbele versekering het egter
ook ander implikasies en
wel ten opsigte van premie
betalings. Waar van toepassing
moet elke Versekeraar ook
in dieselfde verhouding as
met die eis, premie terug
betaal aan die Versekerde.
AWERY OF
ONDERVERSEKERING
Aansluitend by Dubbele
Versekering, is die Besondere
Voorwaarde van awery soos
wat toegepas word op die
Brand-afdelings van die polis.
Brand-afdelings sluit die
volgende polis-afdelings in:
•
•
•
Brand (Plaasstore,
dompelpompe, voer, ens.)
Huiseienaars
(woonhuis geboue)
Huisbewoners (alle
huishoudelike inhoud
van die woonhuis
en buitegeboue :
meubels, klerasie,
juwele, kruideniers,
Februarie/Maart 2015 • SENWES Scenario
•
tuinmeubels, ens.)
Besproeiingstelsels
(spilpunte)
Dit is ‘n voorwaarde of
beginsel dat items wat
onder voorgemelde polisafdelings verseker word, teen
vervangingswaarde verseker
moet word. Dit beteken dat
al is ‘n item 20 jaar gelede
vir ‘n bedrag van R500.00
(vyfhonderd rand) aangekoop
en dieselfde of soortgelyke
item kos nou R2 000.00
(tweeduisend rand), moet
dit nou waardeer en verseker
word vir R2 000.00.
Almal is terdeë bewus
van die geweldige boukoste
inflasie - ‘n woonhuis met ‘n
vloeroppervlak van 200vkm,
het 20 jaar gelede ongeveer
R200 000.00 gekos om op te
rig, terwyl die boukoste van
dieselfde grootte huis vandag
nader aan R1 miljoen beloop.
Indien ‘n item dus
onderverseker is, word die
versekerde of polishouer geag
sy eie Versekeraar te wees in
verhouding tot die bedrag wat
daardie item onderverseker is.
Voorbeeld:
Werklike Vervangingskoste
R 1 000 000
Versekerde bedrag
R 500 000
Die item is dus slegs vir 50%
(vyftig persent) van sy werklike
vervangingswaarde verseker.
Sou die skade aan die versekerde
item ‘n bedrag van R20
000.00 (twintig duisend rand)
beloop, sal die Versekeraar se
aanspreeklikheid slegs R10
000.00 (50%) beloop.
Veral in geval van slegs
gedeeltelike skade aan ‘n item,
kan dit tot groot nadeel - en