•••
KO L L I G
Kry kalmte
by jou Skepper...
PROF. HERMAN VAN SCHALKWYK SIT OP VELE
STOELE. DIE REKTORSTOEL VAN DIE NOORDWESUNIVERSITEIT SE POTCHEFSTROOMKAMPUS,
DIREKTEURSTOEL VAN ONDERMEER
TRADEVANTAGE, IS TELEVISIEPERSOONLIKHEID
IN NASIE IN GESPREK, ‘N KLIËNT BY SENWES
GRAINLINK, GEREKENDE LANDBOU-EKONOOM...
NICOLIZE VAN DER WALT
S
y CV is amper so dik
soos ‘n boek. Ten spyte
hiervan is dit op sy plaas in
die Dealesville-Boshofdistrik,
na aan die natuur tussen sy
beeste, skape en mielies waar
hy graag tyd spandeer.
As boer verstaan hy
die hart van ‘n boer, die
afhanklikheid van sy Skepper
en die nodigheid om te
beplan vir die droë, maer jare.
Hy beskryf ‘n boer as
iemand met ‘n liefde vir die
grond, passie vir boerdery,
iemand wat vroeg opstaan,
hard werk en tevrede is
met lae wins op sy kapitaal
omdat die liefde vir
boerdery in sy are vloei.
OOR DROOGTE
EN VERLIES
Hy verstaan te goed hoe
droogte produsente op hul
knieë kan dwing en is hierdie
tyd vir baie boere ‘n tyd
van harde besluite. “Reël
een: Moenie paniekerig
10
raak nie, want dan maak jy
foute. Moenie wag tot later
nie. Maak nou besluite en
tref voortydig reëlings met
jou skuldeisers. Moenie
een verlies met ‘n ander
verlies finansier nie.”
Hy vergelyk die proses met
‘n besering en verduidelik
die bloeding moet eerste
gestop word en dan moet die
seerste plekke geïdentifiseer
word en planne beraam
word om dit gesond te kry.
Waar die grootte van
die mielieplante dit toelaat
kan kuilvoer byvoorbeeld
gemaak word. Die afrond
van vee, veral aanteelvee
wat tans vir baie lae pryse
gaan is dalk ‘n geleentheid.
STEEDS GOEIE
OESTE OOK
Dis belangrik om te verstaan
dat elke boer se situasie verskil
en gaan elke produsent in die
droogtegeteisterde gebiede se
besighede nie noodwendig
Februarie/Maart 2015 • SENWES Scenario
bankrot wees nie. Dit hang
af van elkeen se reserwes, hoe
hul besigheidskuld lyk en of
hulle nodig gaan hê of die
vermoë het om hul grond
af te skaal indien nodig.
“Diegene wat egter gedwing
word om te konsolideer
moet weer ‘n nuwe begin
kan maak. Dis harde besluite
wat geneem moet word.
Maar weereens, die spektrum
verskil. Daar is van desperate
boere tot diegene wat steeds
goeie oeste gaan lewer.”
MOENIE TOB NIE
Van Schalkwyk kan egter
nie genoeg klem daarop
lê dat produsente betyds
besluite moet neem oor hoe
om die situasie te beredder
nie. “Elke besigheid het
krisisse en ons almal word
daarmee gekonfronteer. Dit
help nie om oor die krisis te
tob nie, maar planne te maak
hoe om daaruit te kom.”
Sy liefde vir boerdery kom
deurentyd sterk na vore,
maar dis wanneer hy oor sy
afhanklikheid van God praat
wat jy besef die proffie is nie
‘n koue ekonoom, verstrooide
akademikus of aanstellerige
sakeman nie. Hy is nederig.
Hy is boer. In murg en been.
KRY KALMTE BY
JOU SKEPPER
“Boere leef uit die aard van die
saak na aan die natuur en hul