Senwes Scenario Desember 2016 / Januarie 2017 | Page 48
••••
HA N D E L SN UUS
Gert Roos (tweede van regs) ontvang sy John Deere Gator 855D
ter waarde van R230 000 by Senwes Hoofkantoor in Klerksdorp.
By hom is Ferdie Pieterse (Uitvoerende Bestuurder Senwes
Equipment), Jacques Stander (Senwes Bemarkingsbestuurder)
en Philip du Plessis (John Deere Areabestuurder).
Gert Roos wen
R230 000 John Deere Gator 855D
D
ie wenner van die Senwes Equipment en John
Deere Gatorkompetisie, die tweede been van
die WEN GROOT kompetisie, is Gert Roos.
Gert wou bitter graag die Gator wen en het ’n
interessante taktiek gebruik om in te skryf. Hy het
elke keer na die aantal ‘likes’ op die Senwes face
book-bladsy gekyk en sy inskrywings dienooreenkom
stig aangepas.
Die 23-jarige boerseun van die Belfast-omgewing
het baie keer ingeskryf. Soveel so dat sy hele familie en
vriende geweet het dat hy sms’e instuur. Een vriend,
Herman Smallberger, het hom skrik op die lyf probeer
jaag en aan hom vertel dat die sms-koste veel hoër was
as die 86 sent, en met dié het Gert groot geskrik met
selfs ma Tharia wat in was op die gekskeerdery. Dié
dat Gert geskok was toe Senwes hom bel dat hy die
wenner is, want hy het gedink dit was nog ’n poets.
Op Woensdag, 9 November 2016, het hy die
prys in ontvangs geneem en gaan dit verseker op
hul plaas Leeubank in Wonderfontein, Mpumalanga
gebruik. Om skape aan te jaag en na planters te gaan
kyk op hulle plaas van 3 000 hektaar, waar hulle met
mielies asook sojabone boer.
Dit is die eerste keer dat hy iets wen en omdat
hulle hom gespot het, gaan ma Tharia, pa Gerrit en
broer Heinrich met baie jaloerse oë na hom kyk, ter
wyl hy met die John Deere Gator op die plaas rondry.
Hoe sê hulle? Wie laaste lag, lag die lekkerste!
Die nuut gevestigde handelsmerk van Senwes
Equipment, tesame met John Deere, het wye bloot
stelling op sosiale media gekry met meer as 100 000
mense wat sedert die begin van die reeks kompetisies
bereik is. Altesaam is daar 18 842 inskrywings ont
vang.
46
DES ’16/JAN ’17 • SENWES Scenario