Senwes Scenario Augustus / September 2015 | Page 55
R UB R IE K
•••
ondersteun. Verder is die persepsie
dat die witmielie-oes die seisoen nog
laer as 4,649 miljoen ton kan wees
wat die NOK in sy 5de somer oesskatting aandui. Dit ondersteun die
prys verder.
Die Safex prys van witmielies
het die einde van Mei 2015 begin
styg omdat die verwagte lae oordrag
voorraad vroeg bekend was. Normaal
begin die witmielieprys eers teen die
begin van November sterk styg. Die
ope vraag is, hoeveel gaan die witmielie-oes laer op die einde van die
dag wees, waar en teen watter prys
sal ons witmielies kan invoer? Soos
vermeld kan ‘n kleiner witmielie-oes
die prys verder ondersteun.
Sonneblom
Sonneblom produksie is nie met
die 5de oesskatting van die NOK
verhoog nie. Daar sal waarskynlik
so 70,000 ton sonneblom ingevoer
moet word om aan die plaaslike
vraag te voldoen. Die meeste internasionale fundamentele faktore wat
sonneblom aanbetref is positief. Die
sonneblom prys het vanjaar redelik
gestyg nadat die oesproses amper
afgehandel is. Die swak Rand het ‘n
positiewe invloed op die prys gehad.
Sojabone
Met die 5de somer oesskatting het die
NOK die sojaboonoes met 65,250
ton hoër aangepas. Dit gaan die berekende potensiële invoere aansienlik
verlaag. Dit kan weer aan die ander
kant druk op die sojaboonprys plaas,
hoewel daar bereken word dat ons tog
‘n klein hoeveelheid sal moet invoer.
Opsomming en gevolgtrekking:
Die meeste kommoditeite het die
afgelope tyd sterk prysondersteuning beleef. Die swakker Rand,
laer oordrag voorrade as gevolg van
die droogte en die styging in die
Amerikaanse kommoditeitpryse die
hoofredes.
SENWES Scenario • Augustus/September 2015
53