Senwes Scenario Augustus / September 2015 | Page 22
•••
RUBR I E K
DAAN HUGO
MEESTE HET REEDS ‘N TESTAMENT OPGESTEL MET
DIE RES WAT UITSTEL EN DIT NOOIT GEDOEN KRY NIE.
CERTISURE BROKERS HOOP DAT DIÉ REEKS ARTIKELS
MEER DUIDELIKHEID BIED OOR WAT ‘N TESTAMENT,
BOEDEL, BOEDELBELASTING EN KAPITAALWINSBELASTING IS. DIE EERSTE FOKUS VAL OP TESTAMENTE.
WAT IS ‘N TESTAMENT?
‘n Testament is ‘n lys van jou
wense betreffende jou boedel in
‘n ondubbelsinnige formaat. So
kan jy reël hoe jou bates verdeel
word. Hier is ‘n finansiële adviseur nie so onbekostigbaar as wat
gereken word nie en kan onvoorsiene uitgawes uitgewys word en
voorstelle gemaak word rakende
boedelbelasting.
WIE KAN ‘N TESTAMENT
OPSTEL?
Enige persoon van 18 jaar en
ouer kan ‘n testament opstel.
Diegene onder 18 kan met goedkeuring en aftekening van wettige
voogde een opstel. Sou enigiemand beweer dat die testateur of
testatrise (die eienaar van die testament) onbevoeg of verstandelik
nie in staat was om die testament
op te stel nie, rus die onus op
daardie persoon om die testateur
of testatrise onbevoeg te bewys.
Omstandighede waaronder ‘n
testament teëgestaan kan word
is onder andere kranksinnigheid,
vervalsing, dwang of bedrog.
Die testament moet deur die
testateur of testatrise onderteken
word en elke bladsy moet geteken
word. Dié handtekening moet
deur twee meerderjarige getuies
bevestig word.
20
Enige wysiging na ondertekening moet uitgevoer word met
al die formele vereistes soos wat
vir ‘n oorspronklike testament
voorgeskryf word.
WATTER ELEMENTE HOORT
IN ‘N TESTAMENT?
Individue se persoonlike omstandighede verskil en dit is moeilik
om voor te skryf wat alles in ‘n
testament moet wees. Die volgende is egter nodig:
1. Eksekuteur: ‘n Benoemde
persoon tree op as eksekuteur
van die boedel in die testament. Indien dié persoon tot
sterwe kom of die taak van
die hand wys sal die Meester
van die Hooggeregshof ‘n
ander eksekuteur aanwys.
‘n Eksekuteur kollekteer die
oorledene se bates, delg skuld
en verdeel die restant, dit wat
oorbly, soos per die testament
of intestate erf reëls.
2. Legate: Persone of instansies
wat vir nalating benoem
word.
NOG SAKE BETREFFENDE
TESTAMENTE:
Herroeping van ’n testament
‘n Testament kan enige tyd herroep word deur ‘n nuwe testament en te noem dat alle vorige
Augustus/September 2015 • SENWES Scenario
testamente opgehef word en die
nuwe testament met ondertekening te dateer.
Sterf sonder ‘n testament
Wanneer ‘n individu sonder ‘n testament sterf, sterf hulle intestaat.
Hierdie boedel word dienooreenkomstig die reëls van intestate
erfopvolging verdeel. Die Meester
van die Hooggeregshof stel die
eksekuteur vir die bereddering van
‘n intestate boedel aan.
Hou in gedagte
Die getuies tot die testament mag
nie genomineer word as eksekuteur nie en mag nie voordeel uit
die testament trek nie. Diegene
wat as onbevoeg gesien kan word,
is persone wat die testateur of
testatrise byvoorbeeld vermoor of
deur bedrog of dwang die testament laat verander.
Sou ‘n individu te siek wees vir
die ondertekening, kan ‘n ander
persoon genader word om namens
hulle te teken. Die derde party
moet in die teenwoordigheid van
die testateur of testatrise en getuies
op die versoek van die testateur
teken. Daar sal ‘n beëdigde dokument by die testament aangebring
moet word vanaf ‘n geregsdienaar
dat die testateur of testatrise die
derde party geïdentifiseer het en
hulle die testament weens omstandighede onderteken.
TER AFSLUITING
Die opstel van ‘n testament kan
eenvoudig wees, maar ‘n kenner
of adviseur kan as leiding gebruik word. CertiSure Brokers het
toegang tot die beste kundiges en
sal u hier bystaan.