NUUS | NEWS
Werk harder en meer doelgerig, stel hoë eise en druk jouself, steek jou hand
op en wees positief, want indien jy destruktief is, gaan jy nie oorleef nie.
goeie nadraai in Amerika gehad.
VRAAG EN AANBOD
Die feit van die saak is dat daar ’n te hoë
aanbod is en die wêreld BBP het ook
getaan. Verbuikers raak meer veeleisend,
het meer keuses en kostestrukture is
bykomend besig is te verlaag.
Neem die banksektor as voorbeeld -
voor 2015 was daar feitlik geen aansoeke
vir banklisensies nie. Sedert 2015, en
meer spesifiek vanaf 2017, was daar 26
aansoeke. Dit demonstreer ’n oorvoor
siene aanbodkant. Die vraagkant gee die
verbruiker die voordeel van keuse en die
opposisie begin nou meeding vir gratis
dienste, waarvoor in die verlede betaal is.
Dit wat destyds fisies betaal is, kom
nou netjies binne ’n produk se prys
ingebou. Dit lyk of dit gratis is, en daar
word gesê dit is gratis, maar dit is nie
werklik die geval nie. ’n Voorbeeld hier-
van is dat diens deesdae aan lojaliteit
gekoppel word, waar die verbruiker geld
of punte kry. Uit die verbruiker se oog-
punt is dit gratis, want hy kry die produk
teen dieselfde prys en iets ekstra. Maar
min mense doen detail analises oor tyd,
byvoorbeeld met betrekking tot die rand/
dollar wisselkoers en wat ’n produk jou in
2018 uit die sak gejaag het.
Beide die vraag- en aanbodkant het
spesifiek in plattelandse dorpies gedaal,
wat grotendeels op mynbou, landbou en
toerisme fokus. Ooraanbod het die gevolg
dat pryse daal, wat die landbouer onder
druk plaas en veroorsaak dat hy minder
koop.
INSETBESIGHEDE KRY SWAAR
Dit is basies dieselfde verhaal as verlede
jaar. Die marktoegangskant, soos Senwes
Grainlink, Grainovation en Tradevantage,
het goed gedoen terwyl die insetkant,
Senwes Equipment en Hinterland, ’n
moeilike tydperk beleef. Graanhantering
het swakker gevaar as die vorige jaar,
maar beter as die ander besighede in ons
portefeulje. Bastion het op sy beurt beter
gevaar, maar verkeer steeds onder druk.
Indien daar na die vorige jaar se resultate
gekyk word, spesifiek na die hoofdrywer
binne Senwes, naamlik graanvolume,
dan moes Senwes op ’n verdienstebasis
30% minder wins behaal het, maar weens
kompenserende aspekte en risikobeheer-
maatreëls, het ons net 9% minder wins
behaal. Dit is die gevolg van koste-effekti-
witeit en slimmer sake doen, met natuurlik
al die risikobestuursmeganismes in plek.
DIE RES VAN 2019 EN DIE
TOEKOMS IN
Ons sien ten minste ’n draai in graan-
pryse, wat aangevuur word deur oorma-
tige reën tydens die plantvenster in die
midweste van Amerika, waar beplande
aanplantings gevolglik nie gerealiseer het
nie. Oeshektare is gevolglik onder druk en
paniek in die mark lei daartoe dat mark-
te met 20-25% verbeter het, wat ook na
Safex oorgespoel het.
Daar moet genoem word dat boge
noemde nog moet realiseer. Met die
seisoen wat agt weke laat is, word die
kontantvloei ook met agt weke uitgestel.
Ons het begin tot middel Julie slegs
20 000 tot 22 000 ton per dag ontvang,
terwyl ons teen die tyd eintlik al 40 000
na 50 000 ton per dag moet hanteer.
Produsente gaan nie nou geld span-
deer nie weens die feit dat hulle onder
druk is wat winsgewendheid aanbetref en
met die seisoen wat laat is, is die kontant-
vloei ook nie na wense nie.
POSITIEWE KANT
Aan die positiewe kant kan ons aan
die kredietkant sien dat die produsente
gewillig is om te plant. Ons sien reeds die
eerste tekens van klante wat aansoek om
krediet doen vir die komende seisoen.
Grondprofiele lyk goed en daar was goeie
reën in die najaar. Dieselpryse begin daal,
Brent ruolie het van bo die $70 per vat na
tussen $60 en $65 dollar gedaal en daar-
op is die rand ook sterker. Vanaf Oktober
tot November gaan daar heel moontlik
baie hoë hektare geplant word.
LAAT OES SE EFFEK
Die laat oes beteken ook dat rente-
inkomste verbeur word en die agt weke ter
sprake maak ’n groot verskil ten opsigte
van tonne wat geoes word. Dis ’n groot gat
wat ons sal moet vul. Uit hierdie oogpunt
gaan dit ’n baie moeilike jaar vir ons wees.
Ek dink nie julle moet verwag dat ons enig-
sins die ligte gaan uitskiet nie.
EFFEKTIWITEIT, INTROSPEKSIE EN
SKOUER AAN DIE WIEL
Op ’n dieper vlak word daar tans gekyk
na effektiwiteit asook funksionaliteit. Al ons
besigheidseenhede is onder die vergroot-
glas. So wat doen ’n mens nou?
In so ’n tyd fokus jy baie hard op jou
persoonlike motivering, want dit is nie-
mand anders se plig nie. Werk harder
en meer doelgerig, stel hoë eise en druk
jouself, steek jou hand op en wees posi-
tief, want indien jy destruktief is, gaan jy
nie oorleef nie. Jy kan ook nie na ’n ander
plek hardloop waar dit Utopia is nie. Dit
is ongelukkig die omstandighede in die
wêreld en in SA.
Indien jou houding reg is en daar posi
tief aan prosesse deelgeneem word, dan
kom dinge gewoonlik vinniger reg as wat
aanvanklik beraam is. Ek glo dat die lewe
regverdig is. Indien jy jou kant bring, dan
werk dinge gewoonlik reg uit.
Die realiteit is dat ons in is vir ’n moei
like tyd. Die vraag is of jy die sypaadje
voor jou woning skoonmaak, of gaan jy
wag vir die munisipaliteit om dit te doen?
Ek maak my sypaadjie, sowel as dié van
my bure skoon. Die wat bloot net saamry
en van die kant af sake bekyk, sal êrens
verder af met die stroom uitspoel.
Wees realisties en sit jou kop neer. Ons
het gewoond geraak aan ’n kultuur dat
ander die werk moet doen. My antwoord
is: Bestuur jou eie bus.
SENWES SCENARIO | LENTE • SPRING 2019
5