MARKTE | MARKETS
Graanmarkvooruitsigte
Lente 2019
Produsente staan aan die einde van ’n uitdagende produksieseisoen en moet vorentoe
kyk en beplanning doen vir die nuwe seisoen se aanplantings. Vir baie produsente is daar
genoegsame grondvog beskikbaar na die vorige seisoen se laat reëns en kan dit oorweeg
word om vroeë mielieaanplantings te doen vir lewering in Maart.
Deur Hansie Swanepoel
Senwes Markanalis
D
ie rede vir hierdie besluit
sal wees om premies op
Maartlewerings te ontvang
en die moontlikheid dat die
ou bemarkingsjaar se pryse hoër as die
nuwe bemarkingsjaar se pryse kan wees.
VERWAGTE BESKIKBAARHEID VAN
MIELIES IN DIE TWEEDE DEEL VAN
DIE BEMARKINGSJAAR
Die 2018/19 oes word tans deur die NOK
op 10,93 miljoen ton geskat. Met ’n ver-
wagte binnelandse verbruik van 10,82
miljoen ton, word feitlik die hele produksie
opgebruik. Suid-Afrika se buurlande het
in die afgelope produksiejaar moeilike
toestande beleef, met Mosambiek wat
44
deur vloede getref is en Zimbabwe wat
as gevolg van strukturele probleme, nie
in hul eie behoeftes kan voorsien nie. Die
verwagting is tans dat daar sowat 1,1
miljoen ton mielies uitgevoer gaan moet
word, hoofsaaklik na Suid-Afrika se buur-
lande.
Hierdie uitvoere werk die surplusse wat
gedurende die vorige jare se goeie oeste
opgebou is, weg. Die NAMC raam dat
daar sowat 1,5 miljoen ton mielies aan die
einde April 2020 binnelands beskikbaar
gaan wees. Hiervan is 555 208 ton geel
mielies en 970 038 ton witmielies – beide
syfers wat kopers van graan bekommerd
maak oor die beskikbaarheid van fisiese
graan. Dit is veral in die Suidwes-Vrystaat
waar die grootste kommer op die oomblik
bestaan.
Die rede vir hierdie kommer is die sterk
SENWES SCENARIO | LENTE • SPRING 2019
verbruiksyfers wat tans gesien word. Uit
die nuutste SAGIS-syfers kan gesien word
dat die verwerking van mielies plaaslik
baie hoog is. Uit Grafiek 1 kan gesien
word dat die verbruik vir Mei 2019 die
hoogste Mei-gebruiksyfer sedert 2000
was. Dit is dan ook die derde grootste
maandelikse verbruiksyfer sedert 2000.
Die knap eindvoorraad wat verwag
word, lei tot premies.
Uit Grafiek 2 kan die WM premies wat
op Basislink verhandel het gedurende
Maart 2017 (die vorige keer toe voorraad
knap was) en die gemiddelde premie
wat in Maart verhandel het, gesien word.
Hoewel die verwagte voorraadvlakke na
verwagting nie hierdie bemarkingsjaar so
laag as in 2017 sal wees nie, kan daar
tog gesien word dat die premies wesenlik
hoër as normaal verhandel het.