NUUS | NEWS
ALFA 2019:
Die wáre Jakob
ALFA, oftewel die African Livestock Trade Fair, vier vanjaar sy vierde bestaansjaar en sal
van 17 tot 19 September by die Afridome in Parys gehou word. Maak ook seker jy mis nie
uit met Senwes Credit sowel as Hinterland wat deel van die 2019 uitgawe uitmaak.
Deur Michelle Verster
Aanlyn-Joernalis: Plaas Media
A
LFA fokus op lewendehawe en
alle aktiwiteite en projekte wat
by dié ekspo aangebied word,
is op vier pilare gebaseer –
doeltreffende veeproduksie, die landbou-
jeug, handel en sosiale interaksie.
ALFA SE VEEKOMPETISIES
Verskeie veeprojekte en -aktiwiteite word
onder die vaandel van die doeltreffende
veeproduksiepilaar by ALFA 2019 aange-
bied. Hierdie projekte sluit spesies in wat
deur die Diereverbeteringswet, 1998 (Wet
62 van 1998) gedek word: Vleis- en melk-
beeste, vleis- en wolskape, melk- en vleis-
bokke, varke, werksperde en -honde, wild,
konyne, braaikuikens en lêhenne.
Daar kan vanjaar na verskeie vee-akti
witeite uitgesien word: Nutri Feeds se
Nasionale Versprestasiekampioenskap en
Moneymaker-uitstallings vir ooie en koeie,
BKB se ramprestasiekampioenskap, die
Cape Gate mega-os-kampioenskap, GWK
se Hoëveld Suiwelinterraskampioenskap,
Barnlab se sogenaamde ‘Best of the
40
Best’-uitstalling van kampioenramme,
die RPO interrasslagos- en karkaskam-
pioenskap, die Zoetis junior interras-
kampioenskap, Total Agri se ‘Face of
the Breed’-uitstalling vir bulle, Sernic se
junior slagoskompetisie, TAU Voere se
Hoëveld Slaglamkampioenskap en die
Suid-Afrikaanse Voerkraalvereniging se
People’s Choice Beef Challenge.
Besoekers kan ook uitsien na veege-
fokusde werkswinkels, wat op enigiets van
voeding en bestuur tot teling en veehan-
tering gaan fokus.
Die Wagyu World sal weer deel wees
van ALFA 2019 en besoekers sal die
geleentheid hê om Wagyuvleis te koop en
meer oor dié ras te leer. Veilings is ook op
die spyskaart, insluitend ’n allerasbulvei
ling, ’n allerasversveiling en twee nasio-
nale veilings.
HINTERLAND NASIONALE
INTERRASVLEISBEESKAMPIOENSKAP
Die eerste Hinterland Interraskampioen
skap is in 2017 tydens ALFA aangebied
en die kompetisie het sedertdien van krag
tot krag gegaan.
Die interrasgrootkampioen manlike en
vroulike dier van die twaalf grootste skoue
SENWES SCENARIO | LENTE • SPRING 2019
in Suid-Afrika word genooi om aan hierdie
kampioenskap deel te neem.
Die nasionale manlike en vrou-
like interraswenners word dan by die
ALFA-galadinee aangewys. Verlede
jaar se interrasvleisbeesbulwenner, van
Raymund de Villiers se Santa Ray Santa
Gertrudisstoet, is kort ná afloop van ALFA
2018 vir ’n nuwe rekordprys van R400 000
verkoop.
Vanjaar beloof om weer ’n spoggeleent
heid te wees en besoekers kan die bulle
daagliks besigtig en na die finale beoor-
deling op 19 September kyk.
Die wenners in albei klasse sal die
aand van 19 September gekroon word
nadat al die deelnemers en hulle han-
teerders aan ’n parade deelneem tydens
die ALFA-dinee. Voorwaar iets om na uit
te sien!
Vir meer inligting oor ALFA 2019,
kontak asseblief vir Marlene
Momberg by 083 635 6786 of stuur
’n e-pos aan marlene.momberg@
Hinterland.co.za of alternatieweli ska-
kel Albert Loubser by 082 562 2188
of stuur ’n epos aan albert@plaasme-
dia.co.za.