AGRICULTURAL | LANDBOUKUNDIG
die sentrale leier is nie. In so ’n geval is
die som van die sytakke groter as die
sentrale leier. Groei sal in die sytakke ten
koste van die sentrale leier plaasvind.
Die sentrale leier se boonste punt bevat
’n okselknop met ‘n verskeidenheid
ogies. Die eenjaaroue groei van die
sentrale leier behoort een derde weg-
gesny te word, met die primêre ogie in
die heersende windrigting. Alle ander
primêre ogies onder daardie primêre
ogie moet uitgevryf word.
Die dikte van die sytak moet by sy aan-
hegtingspunt nie meer as twee derdes
van die sentrale leier wees nie.
Snoei van 4-jaar en ouer bome:
Hierdie ouderdom bome word gesnoei
om boomvolume te verkry.
Alle sylote moet min of meer 20 cm
teruggesnoei word. Hierdie snit vermin-
der die balans tussen die vegetatiewe
volume en die wortelvolume. Dit stimuleer
groei omdat die boom die balans wil
herstel. Die terugknip van sylote is om te
verhoed dat daar op elke syloot se punt,
drie nuwe lote ontstaan. Dit word gedoen
tot die boomvolume se spasie tussen
mekaar opgeneem is.
Dit is nog steeds nodig om die sentrale
leier se primêre ogies uit te vryf tot
op ongeveer 5 m-hoogte. Die sukses
hiervan is bepalend ten opsigte van
’n goeie raamwerk, goeie deurlug-
ting asook volhoubare produksie van
kwaliteit neute.
Handsnoei op 10-jaar en ouer bome:
Die doel hier is om vanaf sonsopgang tot
sonsondergang meer son in die boom te
kry en so min as moontlik op die grond.
Indien produserende bome swak tydens
die beginfase gevorm het, kan daar selek-
tief takke uitgehaal word om sonlig te
bevorder. Dit kan met ’n maksimum van
twee takke per boom per seisoen gedoen
word.
Bome is óf produktief óf vegetatief.
Wanneer daar te veel aan ’n produserende
boom gesnoei word, sal die boom veran
der na die vegetatiewe fase en minder
produseer.
Meganiese snoei op 10-jaar en
ouer bome:
By hierdie ouderdom begin die bome
oorvleuel en te min sonlig bereik die bin-
nekant. Die bome word meganies aan
die kante en soms ook bo-op gesnoei.
Die doel van “hedging” is om bome te
verklein en om die verspreiding van son-
lig binne die bome te verbeter. Alhoewel
meganiese heiningsnoei praktyk is, is daar
geen standaard riglyne nie. Boomreaksie
gaan bepaal word deur klimaat, kultivar
en boordbestuur. Hou die volgende in
gedagte:
Daar is baie dormante ogies binne-in
die boom en indien daar te hard veg-
etatief gesnoei word, sal die dormante
ogies geaktiveer word. Met masjien
snoei kan ’n blaardak geskep word wat
sonpenetrasie tot by die kern van die
boom verhoed. Dit sal opbrengs ver-
laag.
Die top-snit van bome word as gevolg
van apikale dominansie nie aanbeveel
nie. Dit veroorsaak ’n groeistuwing wat
die probleem vererger.
Meganiese heiningsnoei verminder die
hoeveelheid drahout. In die “aan” jaar
sal die produksie daal, maar neutkwali
teit kan verhoog. Dit sal ook “af”-jaarop-
brengs benadeel, maar mag die voor-
koms van alternatiewe drag verminder.
Daar is produsente wat meganiese
snoei opvolg met “wortelsnoei” om die
balans in reserwes en impak op groei te
balanseer.
Voordat dit aangepak word, beplan en kry
raad by produsente in jou area wat dit al
gedoen het. Vir verdere navrae, kontak
gerus vir Petrus (076 219 3778) en Andre
(082 561 7128).
Skakels vir meer inligting oor die snoei en
oplei van pekanneutbome:
https://aces.nmsu.edu/pubs/_h/H605/wel-
come.html (goeie sketse)
http://www.pecannut.co.za/pruning/
https://nutgrowing.org/2018/03/13/pruning-
nut-trees-production/
SENWES SCENARIO | LENTE • SPRING 2019
11