GARDENING | TUIN
Dis heerlike Lente
Deur Elize Botha
Agricol: Tuinboukundige
D
is weer heerlike lente en almal
staan sommer weer met ’n
huppel in die stap op! Daar is
niks so lekker soos ’n pragtige
tuin om ’n nuwe seisoen op te vrolik nie.
Vir die van ons wat eerder bietjie wou inlê
as om tuintoerusting in die winter te diens,
is daar ’n lekker lang lys takies wat voorlê.
Lente is die perfekte tyd om jou
grassnyerlem te laat skerpmaak, jou
snoeiskêr af te stof, daai ou verbleikte
tuinbankie ’n nuwe baadjie te gee, nuwe
plantjies te plant en beslis nuwe beddings
voor te berei.
Voordat enige nuwe plantjies geplant
word, is dit belangrik om deeglike beplan
ning te doen. Besluit met watter kleurske-
ma en uitleg jy die nuwe seisoen wil
aanpak en kies plante van verskillende
teksture en skakerings om te inkorporeer.
’n Handige wenk is om by drie kleure
te bly (behalwe die vanselfsprekende
groen) en dalk wit in te werk vir ekstra
diepte. Skep dan ook ’n fokospunt met jou
gerestoureede bankie of ’n kalmerende
fontein. Wanneer jy op jou nuwe beddings
se uitleg besluit het, kan jy genoeg kom-
pos inwerk om te verseker dat jou grond
gesond is.
Dis nou ook ’n goeie tyd om eenjarige
somerblomme soos kosmosse, sonne-
blomme en gousblomme se saad in
saailaaie te saai. As jy hou van iets nuuts
probeer, neem steggies van jou laventel-
en daisy-bosse.
Daar word dan ook nie verniet na
‘spring cleaning’ verwys nie... sny siek,
beskadigde en dooie takke van bome af.
Snoei en dun jou somerblommende strui
ke soos rose en hydrangeas en onthou
ook om jou jong boompies te stut teen die
wilde winde wat die tyd van die jaar waai.
Onkruid kan nog goed raakgesien word
op die kort grasperk, so maak seker dat jy
hulle uithaal voordat dit groot word en ’n
probleem word.
Indien jy een van daai mense is wat
mal is oor die somer omdat jy nie ’n lekker
slaai kan weerstaan nie, is nou die tyd
om jou groente en kruie te begin saai.
Saai vinniggroeiende eenjarige kruie
soos roket, vinkel, koljander en ook ander
soos grasuie, pietersielie en basieliekruid.
Saai dan ook komkommers, tamaties,
groenboontjies, rooi- en groen rissies,
pampoen, beet en sweet corn. As dit nog
bietjie koud in jou area is, kan jy die saad
eers in saailaaie saai en saailinge later in
warmer grond uitplant.
Moenie van jou ou getroue grasperk
vergeet nie! Gee hom kunsmis soos 2:3:4,
3:1:5 of 6:3:4 om groei te stimuleer en
onthou, dit raak nou warmer so jou plante
gaan stadigaan meer water benodig.
Vir die van julle wat nog ’n rukkie
langer wil binne bly, verpot solank daai
orgideë.
Geniet die nuwe seisoen en lekker tuin
maak!
SENWES SCENARIO | LENTE • SPRING 2019
47