NUUS | NEWS
Johan Kunz
“Jou naam is jou handelsmerk”
Deur Aubrey Kruger
Senwes Scenario Redakteur
O
ntmoet Johan Kunz, Hoof van
Gestruktureerde Finansiering
by Senwes Credit. Johan is
vanaf 1 Mei 2018 in hierdie
nuwe pos aangestel, nadat die verskaf-
fing van gestruktureerde finansierings
oplossings vir Senwes se kliënte as ’n
strategiese toevoeging tot die bestaande
reeks van Senwes Credit se oplossings
geïdentifiseer is. Johan vorm deel van die
Senwes Credit bestuurspan, onder leiding
van Pieter Swart. Die ander lede van die
Senwes Credit bestuurspan is Francois de
Kock, Herman Harmzen, Julias Ramohlabi
en Johan Jacobs.
Die verskaffing van gestruktureerde
finansieringsoplossings vorm integraal deel
van die benadering om vir die kliënt ’n
oplossing te bied, eerder as net ’n produk.
Kunz was voorheen senior korpora
tiewe finansies adviseur in die Bestuurs
adviesdienstespan van dr Johan Le
Grange, Groephoof van Korporatiewe
Finansies. Hy is al 16 jaar by Senwes
werksaam, sedert hy op 1 Desember
2002 by Bestuursadviesdienste begin
werk het en tot en met 2010 na die posisie
van senior besigheidsanalis gevorder het.
Hy het in 2010 diens onderbreek en vir
ongeveer ’n jaar by NWK as bestuurder
besigheidsontwikkeling gewerk, maar in
Augustus 2011 keer hy terug na Senwes
as bestuurder projekte, waar hy tot en met
30 April 2018 in die pos gedien het. Hy
is later tot senior korporatiewe adviseur
bevorder. Tydens sy loopbaan in korpo-
ratiewe finansies en besigheidsontwik-
keling, kon hy baie kennis opbou van
landbou in die breë en hoe die landbou
legkaart inmekaar steek tot voordeel van
al die belanghebbendes in die landbou
waardeketting.
34
DIE GESTRUKTUREERDE
FINANSIERINGSPLATFORM
Sy pligte tans rus op twee pilare, wat
saam ’n oplossinggedrewe platform
ondersteun. Die kruks van sy pligte
behels eerstens die ontwikkeling van
pasgemaakte finansieringsoplossings (“fit
for purpose”) vir die produsent. In breër
terme beteken dit om ’n finansierings
oplossing te bied vir die kliënt met unieke
kontantvloeibehoeftes – ’n oplossing
wat uniek is tot die kliënt se behoeftes.
Die tweede pilaar waarop hierdie plat-
form staan, is dié van ontwikkeling van
finansieringstrukture vir SEB-transaksies.
Die doel hiervan is om ’n vennootskap
te ondersteun tussen die kommersiële
boer en die opkomende boer tot die
langtermynvoordeel van albei partye.
RAAKPUNTE MET VORIGE POSISIE
In sy nuwe posisie kan hy steun op die
kennis wat hy opgedoen het tydens sy
loopbaan in korporatiewe finansies. ’n
Boerdery is ’n besigheid en baie boerde
rye is in wese groot korporatiewe onder-
nemings. Die beginsels van korporatiewe
finansies kan dus toegepas word in die
verstaan van hierdie ondernemings en in
die ontwikkeling van oplossings vir die
kliënt. Die raakpunte tussen sy vorige
posisies en sy huidige pligte, help hom
dus in die uitvoering van sy pligte in sy
nuwe rol.
’N LOOPBAAN IN LANDBOU
Hy is sy hele loopbaan al in landbou
en aanverwante bedrywe. Hy het sy
loopbaan in 1994 by die destydse OTK
(nou AFGRI) begin as assistent bestuurs
rekenmeester en het ook poste in die
maalbedryf beklee, eers as rekenmeester
van die maaldivisie by die destydse
OTK, en daarna bestuurder finansies by
Pride Milling, voordat hy sy loopbaan by
SENWES SCENARIO | LENTE • SPRING 2019
Senwes voortgesit het.
Hy het ’n BCom-graad in Ekonomie,
Geld en Bankwese, wat hy in 1992 by
NWU verwerf het. Verder het hy ook ’n
Mergers and Acquisitions Program in
2013 by die London Business School
voltooi en in 2015 Gibbs se Global
Executive Development Programme.
ANDER PASSIES
Hy is al vir 24 jaar baie gelukkig met
Louise getroud en op 1 April 2020 vier
hulle hul 25ste huweliksherdenking.
Louise is sy “veilige hawe” en steunpilaar.
Hulle het nie kinders nie, maar het wel
twee bedorwe Jack Russells. Hy is ’n baie
ywerige fietsryer en geniet veral bergfiets-
ry. “Ek glo daarin dat mens beide liggaam
en gees gesond moet hou. Oefen is
deel van my wese en daaglikse roetine.”
Daarbenenwes het hy ’n stoute belang-
stelling in horlosies. “Ek het ’n oog vir ’n
mooi horlosie. Daar is iets aan die werking
van horlosies wat my net eenvoudig “laat
tick” – dit is moeilik om te verduidelik.” Sy
versameling strek van “cheapies” tot hor-
losies wat “limited editions” is en wat met
baie moeite opgespoor is.
SLOT
In sy nuwe pos is hy steeds by hoofkan-
toor in Klerksdorp werksaam, maar is nou
baie meer klantgerig in die uitvoering van
sy pligte. Hy werk baie nou saam met die
bestuurders agrifinansiering. In Senwes
Credit terme is Johan die “produkeienaar”
en die bestuurders agrifinansiering is die
“kliënteverhoudingseienaars”.
Hy is ’n berekende mens wat baie
nadink, innoverend dink en daarbene-
wens het hy ’n passie vir Senwes en sy
klante en ondersteun ten volle die siening
om eerder ’n oplossing as ’n produk te
lewer. Hy is baie gesteld op integriteit –
“jou naam is jou handelsmerk en jy het net
een daarvan”.