MARKTE
Die NOK het in hul Februarie somer
oesskatting die plaaslike mielie-oes op
10.51 m ton geskat. Indien daar enige van
die risikofaktore (koue, ryp, droë weer)
realiseer, kan die plaaslike oes kleiner
raak. Indien daar op die 10,51 m ton oes
gewerk word, word geen verdere invoere
van mielies benodig nie. Pryse gaan egter
sodanig hoog moet bly om verbruik ietwat
in te perk, om te verseker dat daar ge
noeg oordragvoorraad is om aan pyplyn-
behoeftes te voldoen.
Sou die oes egter kleiner as 10,5 m ton
realiseer, gaan invoere van geelmielies
wel moet gebeur. Die eerste punt waar
geelmielies ingevoer word, is in die Wes-
Kaap, daarna Port Elizabeth en laastens
deur Durban hawe na Pietermaritzburg.
Die behoefte vir elkeen van hierdie punte
word in die Kaart 2 langsaan aangedui.
Dit is dus duidelik uit kaart 2 dat,
indien 'n kleiner oes sou realiseer, daar
eers teen Wes-Kaap geelmielie-invoer-
pariteit verhandel sal word, waarna pryse
stelsematig na Pietermaritzburg geelmie
lie-invoerpariteit sal beweeg. Vir ’n opda
tering in die pariteitspryse, kan daar na
Senwes se daaglikse markverslag verwys
word.
OPSOMMEND
Die plaaslike mark is hierdie seisoen
weereens daar waar die fokus op die
ontwikkeling en prestasie van die plaas-
Kaart 2
like oes is. Indien die oes kleiner realiseer
as wat met die skryf van die artikel die
verwagting is, gaan invoere benodig word
en pryse gaan rondom invoerpariteit bly
verhandel. Dit is belangrik vir ‘n produsent
om te weet wat sy eie produksieverwag-
ting is en dienooreenkomstig die mark
te gebruik om sy risiko te verskans, soos
wat geleenthede opduik. Skakel gerus u
Senwes verteenwoordiger of die span by
Senwes Graanmakelaars, om u hiermee
by te staan.
SENWES SCENARIO | HERFS 2019
69