NUUS
TOER VERANDER LEERDERS
SE PERSPEKTIEF OOR DIE
LANDBOUBEDRYF
Deur Senwes Scenario Span
Curro Hoërskool in Klerksdorp besoek
die grootste silo in die Suidelike
Halfrond
Die landbousektor is in die verlede deur
skoliere vermy en gekategoriseer as een
van die minder belangrike loopbane om
te oorweeg. Maar dit gaan binnekort
verander!
Die Curro Klerksdorp Hoërskool se
graad 10 en 11 verbruikerstudiegroep
het Wesselsbron Silo besoek, wat die
grootste silo in die Suidelike Halfrond
is. Projekbestuurder by die silo,
Lodrick Barnard, het afgeskop met 'n
verstommende feit: “Hierdie silo kan tot
280 000 ton graan opberg”. Hy het hulle
alles vertel van graanopberging, vanaf die
skoonmaak en aflaai van graan, waarvan
sowat 7 000 ton per dag ingeneem word,
tot die graderingsproses, insekte wat die
graan affekteer en gifstowwe wat hulle
vernietig.
Die groep het ook die Greenpak
verwerkingsaanleg besoek, waar wortels
skoongemaak, gegradeer en verpak
word vir verspreiding aan alle Woolworths
Foods-takke. Die fasiliteit is 30 kilometer
vanaf die Greenpak plaas in Bothaville
geleë, en word besit deur Senwes
direkteur Nico Liebenberg - die totale 600
hektaar grond word gebruik vir die plant
van wortels, pampoene en botterskorsies.
Die departementshoof van
Verbruikerstudies by Curro High School,
Karen Kade, het gesê: “Dit is belangrik
vir jong leerders om belang te stel in
boerdery, aangesien dit die middelpunt
is van waar ons voedsel geproduseer
word”. Fabrieksbestuurder, Elize du
Preez, het aangedui dat Greenpak die
alleenverspreider van wortels aan alle
Woolworths takke in Suid-Afrka is.
Dit was duidelik dat die landbousektor
baie meer as net boerdery is - dit gaan
daaroor om die ekonomie te laat groei,
om voedsel aan die wêreld te verskaf en
die grond waarin ons voedsel groei, te
bewaar.
Selfs besigheidslui se perspektiewe
word verander
Die Wesselsbron silo en die Hinterlandtak
op die dorp het onlangs ook gasheer
gespeel vir ‘n geselskap van Nedbank.
Senior silobestuurder, Lodrick Barnard het
die geselskap op ‘n interessante toer deur
die silokompleks geneem en is bygestaan
deur silobestuurder Johan Rheeder. Een
besoeker, Salim Kadoo, was verstom
oor wat alles agter die skerms gebeur
rakende graanhantering by ‘n silo. “Dit
was my heel eerste keer wat ek ‘n silo
besoek het. Van buite sien jy net die buise
en weet stadsjapies soos ek nie van die
infrastruktuur binne nie.” Barnard het
genoem dat hierdie besoekers, en veral
buitelandse besoekers, baie beïndruk is
met die silokompleks, met Rheeder wat
beaam het dat besoeke ten doel het om
die werksaamhede en die interessanthede
aan hulle oor te dra - soos dat die heel
eerste deel van die Wesselsbron silo
reeds 53 jaar gelede in 1966 geopen
is. Hinterland takbestuurder, Johnny
Bezuidenhout het die groep ook ingelig
rakende die tak en landboubesigheid op
die dorp. Hierdie toer het deel uitgemaak
van besoeke deur besigheidslui, skole en
ander instansies.
Die Curro Klerksdorp Hoërskool graad
10 and 11 verbruikerstudiegroep
het 'n toer na die Senwes Grainlink
Wesselsbron Silo geneem.
Nedbank se besoek aan die
Senwes Grainlink Wesselsbron
Silo! Hier Lodrick Barnard (Senior
Silobestuurder by Senwes Grainlink
silo in Wesselsbron), Wikus Grobler
(Senwes: Groepbestuurder - Finansies
en Tesourie), Corné Kruger (Senwes:
Groep Hoof Finansiële Beampte),
John Hudson (Nedbank: Nasionale
Hoof - Landbou), Salim Kadoo
(Nedbank: Provinsiale Algemene
Bestuurder), Tabitha Strydom (Senwes:
Groep Tesourie) en Herman De Kock
(Nedbank: Uitvoerende Hoof - Verkope
en Dienste).
SENWES SCENARIO | HERFS 2019
59