VERSEKERING
WAT IS DIE VERVANGINGSWAARDE
VAN GOEDERE?
46 | Onderversekering
Hierdie beginsel word toegepas om te
verseker dat:
• Onderversekering voorkom word.
• Die volle premie vir die risiko wat die
versekeraar dra, betaal word.
• Elke party ‘n regverdige gedeelte van
die verlies dra.
FORMULE WAT TOEGEPAS WORD VIR
ONDERVERSEKERING
[Bedrag Verseker ÷ Waarde op Risiko] x
Totale Verlies.
Voorbeeld 1:
Toerusting word vir R10 000 verseker. Die
werklike vervangingswaarde van die toe-
rusting is R20 000. Indien die toerusting
deur byvoorbeeld vuur beskadig word
en dit kos R8 000 om te herstel, word die
uitbetaling van die versekeringseis soos
volg bereken:
[R10 000 ÷ R20 000] x R8,000
= Bedrag betaalbaar: R4 000.
Voorbeeld 2:
’n Gebou word verseker vir R500 000.
Die werklike vervangingswaarde van die
gebou is R800 000. Indien die gebou deur
byvoorbeeld ’n storm beskadig word en
dit kos R100,000 om te herstel, word die
uitbetaling van die versekeringseis soos
volg bereken:
[R500 000 ÷ R800 000] x R100 000
= Bedrag betaalbaar: R62 500.
Boere is soms geneig om nie tred te hou
met die vervangings- of markwaarde van
landboutoerusting nie. Indien hierdie
waardes dan ook nie gereeld hersien
word nie, kan gevind word dat daar totale
onderversekering is met ‘n eis soos tydens
oorstromings of brande.
Dit is veral belangrik om te verstaan
wat met die term “vervangingswaarde”
bedoel word.
Dit kan beskryf word as die koste, by
die indiening van ‘n eis, om die verse-
kerde item met ’n soortgelyke produk te
vervang.
HOE KAN ONDERVERSEKERING
VOORKOM WORD?
Hier is ’n paar wenke:
• Vervangingswaarde van goed ver
ander oor tyd.
• Doen gereelde en realistiese waar-
debepalings van versekerde bates.
• Boere moet veral let op die risiko
wat natuurrampe soos veldbrande
inhou. Maak gebruik van ’n kundige
makelaar in landbouversekering vir
raad en advies.
Dit is belangrik om gereeld met jou
makelaar/versekeraar te kommunikeer.
Dit sal die risiko van onderversekering
beperk en verseker dat jy vir die regte
bedrag gedek is en eise op die korrekte
waardes bereken word.
BRON: www.geselsversekering.co.za
48
SENWES SCENARIO | HERFS 2018