IN DIE KOMBUIS
Wildsboudpotjie
in 'n japtrap
MET DIE FOKUS op Hartbeesfontein, wat sy naam te danke het
aan manne wat ’n gekweste rooi hartbees agterna gesit het, is
hierdie lekker wildsresep net die regte ding om tydens die oestyd
aan te knibbel. Of dit nou ’n springbokkie, rooibok of selfs ’n hart-
bees is.
Die resep het ons so ‘n tydjie terug gevind en dit kan gerus
probeer word.
WAT VIND PLAAS TYDENS
DIE HERLAAIPROSES?
Kortliks word die volgende gedoen om ’n gebruike dop te
herlaai sodat hy weer gebruik kan word om te skiet.
Die dop word met behulp van ’n matrys gevorm sodat
dit weer in die geweer se loop kan pas en die koeël styf
genoeg kan vashou. Die ou slagdop word ook in die proses
uitgedruk.
Die dop word dan skoongemaak en die lengte word
gemeet en teruggesny, indien nodig. Tydens die vuur van
die rondte en die vorming in die eerste stap, rek die dop.
Daarom moet dit korter gesny word na die verlangde lengte.
Na die sny en skoonmaak van die dop, word ‘n nuwe
slagdop teruggedruk in die dop in.
Die kruit word dan noukeurig afgemeet en in die dop
gegooi. Elke dop se kruit word deur ’n skaal geweeg en daar
word seker gemaak dat die regte hoeveelheid kruit per dop
gebruik word.
Laastens word die nuwe koeël weer in die dop terug
gedruk. Die lengte van die patroon word noukeurig bevestig
om seker te maak die koeël is nie te vlak of te diep in die
dop ingedruk nie.
Sodra die kruishaar pad vat na die eland se blad toe,
en net agter die blad stil staan, weet jy dat ’n suksesvolle
skoot nou net van jou afhang. Jy het reeds jou voorbereiding
gedoen en jou ammunusie kan nie beter nie. Nou kan al jou
aandag op die een saak wees wat hom voordoen, naamlik
die aftrek van die sneller. Al die ander voorbereiding is reeds
sorgvuldig gedoen en daar is niks om oor bekommerd te
wees nie. Die sukses van die jag het een Saterdagoggend
reeds op die skietbaan begin! Nou gaan die biltong net
soveel lekkerder wees vir Saterdagmiddag se rugby!
GEMARINEERDE WILDSBOUD
1 wildsboud (springbok, rooibok, ens)
8 knoffelhuisies, gehalveer
8 repe streepspekvleis, in repe gesny of 100g spek in repe gesny
4 eetlepels kookolie
3 medium uie, gekap
2 teelepels sout
varsgemaalde swartpeper na smaak
1 koppie beesvleisaftreksel
MARINADE
4 eetlepels bruinasyn
2 eetlepels kookolie
2 eetlepels bruinsuiker
2 lourierblare
10 heel swartpeperkorrels
3 heel naeltjies
1 kaneelstokkie
3 koppies rooiwyn (droog)
METODE
➊ Maak die marinade deur die asyn tot kookpunt te verhit en dan
die olie, suiker, lourierblare, peperkorrels, naeltjies en kaneel
by te voeg. Laat dit ’n paar minute kook. Verwyder van hitte en
laat afkoel. Roer die rooiwyn in.
➋ Gebruik ’n skerp mes en maak insnydings sowat 40 mm uitme-
kaar in die wildsvleis. Druk in elkeen, saam met die draad van
die vleis, ’n halwe knoffelhuisie en ’n reep spekvleis of spek.
➌ Sit die vleis in ’n bak en giet die marinade oor. Laat 24 uur
lank marineer (of langer) en draai die vleis gereeld om. Haal
die vleis uit die marinade en druk droog.
➍ Verhit die olie in ’n potjie en braai die vleis aan alle kante
bruin. Voeg die uie by en soteer tot dit deurskynend is. Geur
die vleis met sout en peper. Voeg verhitte beesvleisaftreksel
en 250ml van die marinade by en verhit tot kookpunt.
➎ Verminder die hitte deur ’n paar kole weg te krap of gasvlak
laer te stel. Sit die pot se deksel op en prut stadig vir 3 tot 4
uur of tot die vleis sag is.
Baie dankie aan Adrie Moffat vir die lekker resep.
SENWES SCENARIO | HERFS 2018
35