••••
RUBR I E K
Safex Scenario’s
> VERVOLG VAN BLADS Y 43
nuwe hoogtepunt bereik, maar herstel om uiteindelik
wel ’n hoër laagtepunt binne die voorafgaande ten-
dens te vorm.
iii. Vanaf die laagtepunt van die linkerskouer, styg pryse
om weer ’n nuwe hoogtepunt te bereik. Kopers is
wel nie in staat om die skerp styging vol te hou nie
en daal pryse gewoonlik deur die ondersteuning van
die voorafgaande tendens om relatief in lyn met die
vorige laagtepunt te sluit. Hierdie prysbewegings
vorm dan die kop van die formasie.
iv. Vanaf die vorige laagtepunt klim kopers weer in
die mark, maar kan ongelukkig nie ’n wesenlike
prysstyging volhou nie. Markpryse vorm dan ’n laer
hoogtepunt om die regterskouer te vorm en is die
hoogtepunt redelik in lyn met die linkerskouer se
hoogtepunt. Pryse daal wel om dan uiteindelik die
neklyn te breek.
v. Die finale eienskap van die Head and Shoulders-
formasie, is die neklyn. Die neklyn
word gevorm deur die laagtepunt aan die einde
van die linker skouer (begin van die kop) en die
laagtepunt aan die einde van die kop (begin van die
regterskouer) met mekaar te verbind. Hierdie lyn kan
opwaarts of afwaarts neig, of kan selfs ’n horisontale
lyn voorstel.
Indien pryse onder die neklyn sluit, is die for-
masie voltooi en kan ’n markposisie in lyn met
die verwagte prysdaling ingeneem word. Die
interpretasie van die formasie bied verder ook ’n
verwagte prysteiken. Hierdie teiken word bepaal
deur die vertikale afstand tussen die neklyn en
die hoogtepunt van die kop afwaarts te pro-
jekteer van die punt af waar die mark deur die
neklyn breek. Let wel dat dit voordelig is om die
formasie in samewerking met volume te inter-
preteer, aangesien ’n styging in volumes dui op
verdere bevestiging.
SLOT
Deur slegs ’n redelike begrip te hê van die bo
staande inligting, is u reeds ’n stappie voor die
res. Dit is voordelig om tegniese analise met fun-
damentele analise te kombineer om sodoende
die beste moontlike besluit te kan neem, aang-
esien ’n breek deur ’n langer termyn ondersteu
nings- of weerstandslyn gewoonlik gekoppel kan
word aan fundamentele vraag- en aanbodfaktore
wat verander.
Tegniese prysgrafieke bied analiste die
geleentheid om die verhouding tussen vraag en
aanbod visueel voor te stel en kan moontlike
veranderings in hierdie verhouding deur verskeie
prysformasies aangedui word. Met ondersteu
nings- en weerstandslyne as basis, bestaan ver-
skeie formasies wat geanaliseer kan word om
moontlike koop- en verkoopseine te genereer.
Die komende artikels fokus op die interpretasie
van die formasies.
Vir meer inligting of om kompeterende
opsiepryse op ’n groot verskeidenheid kom-
moditeite te bekom, skakel gerus vir Susari
Geldenhuys by 018 464 7430 of 072 116 9999
of e-pos haar by Susari.Geldenhuys@senwes.
co.za.
Die Senwes Scenario-redaksie vra om verskoning vir die
foute wat tydens die produksieproses ingesluip het in die
gedrukte weergawe van die artikel in die Februarie/Maart
2017-uitgawe.
44
APRIL/MEI 2017 • SENWES Scenario