••••
NUUS
Willem en Gert Junior
Stols wys trots hul
kuierplek bo-op ’n
spilpunt.
Spilpunt
in ’n japtrap in kuierpunt omskep
OP ’N PLAAS SOWAT 6 KM
VANAF NAMPOPARK NABY
BOTHAVILLE, ONTMOET
EK DIE TWEE JONG BOER-
SEUNS WILLEM (21) EN
GERT JUNIOR (19) STOLS.
DIÉ TWEE AGTERMEKAAR
PRODUSENTE HET EINDE
JANUARIE 2017 DIE BLINK
GEDAGTE GEHAD OM ’N
KUIERPLEK IN DIE LANDE
TE SKEP. REG BO-OP ’N
SPILPUNT!
AUBREY KRUGER
D
ie twee vertel dat hulle
eers ’n gewone platform
op Facebook gesien het, waarna
hulle besluit het om die idee
“na die volgende vlak te neem.”
Oordeelkundig het die boerseuns
eers die manne van Agrico gekon-
tak, wat aan hulle die spreekwoor-
delike groen lig gegee het om die
kuierplek te bou, met die voor-
38
waarde dat niks aan die spilpunt
vasgesweis mag word nie. Geen
probleem vir hierdie broers wat
by Kroonstad Hoërskool gematri-
kuleer het nie. Hulle het sommer
dadelik aan die werk gespring en
alles van hoekyster, ogiesdraad en
rectangular tubing gebruik om die
kuierarea mee te bou en alles mak-
lik aan die spilpunt vasgebout.
Op die vraag oor hoeveel
mense hierop kan kuier, kom die
antwoord maklik. “Toe ons dit
klaar gebou het, het 14 plaas-
werkers op en af op die platform
gespring en dit het die toets
geslaag.”
Hier bo-op die platform, wat
meer as 4 meter bo die grond
uittroon, kan jy lekker rustig wees.
Die twee spot ook dat “Pa Gert
hier bo lekker vir die mielies kan
kyk. En as ons lui wil wees, kan
ons van hier bo af hom gelukkig
van ver sien aankom.”
Daar word oor naweke saam
met familie en vriende gebraai.
En as ’n Senwester hier ’n draai
kom maak, soos hierdie joernalis,
dan word jy na die spilpunt sowat
17 km ver geneem. Soos Andrew
Weber, Sleutelrekeningbestuurder
by Senwes en Phillip Havenga,
APRIL/MEI 2017 • SENWES Scenario
Verhoudingsbestuurder by
Bothaville, op 14 Februarie ook
gedoen het.
Hier bo is dit baie rustig en die
die geritsel van die wind tussen
die mielies is hoorbaar. Daar is ’n
pragtige uitsig oor die horison met
Senwes se Regina Silo as deel van
die landskap. Maar waar het die
twee gebraai voor dié uitsonderlike
braaiplek? Die braaier was sommer
op die grasperk geparkeer of as
hulle in die veld is, is enige oop
kolletjie in die veld die lekkerste.
Met nege spilpunte op die plase
Krugerskraal en Nederlanden, en
nog drie in die beplanning, kan jy
verseker wees dat dié vierde-gene
rasie produsente beslis nog een
gaan bou en verbeterings gaan
aanbring met ligte en yskaste. Die
vangskoot is egter dat hulle nie
krag van die spilpunt mag trek nie.
Die twee jongmanne is egter
seker dat iemand in die toekoms
’n béter idee gaan kry. Na so twee
ure se kuier, terwyl die spilpunt 14
grade heen en weer beweeg het, is
die kuier vir eers verby. “Dis ’n lek-
ker plek. Jy kyk wyd uit, kan net
rustig wees met niks wat jou pla
nie, behalwe natuurlik die muskie-
te,” sê hulle.u