••••
KO L LI G
Paul Maré
> VERVOLG VAN BLADSY 21
langste wat al 26 jaar by hom werk. Buiten die
bestuurders beskryf hy sy sekretaresse, Corinda
Marais, wat terloops ’n oud-Senwester is, as sy
regterhand.
Sowat 500 ton kuilvoer word jaarliks
op Vlakvlei geproduseer.
SENWES
Toe loop die gesprek in die Senwes rigting. “Ek
glo in vennootskappe. Ek het reeds vroeg in my
loopbaan besluit dat ek Senwes my hoofvennoot
in my besigheid gaan maak.” En hy is bly hy het
dit gedoen. Hy koop sedert die begin sy insette
by Senwes, doen sy finansiering deur Senwes
Credit om produksiemiddele, grondfinansiering
en die aankope van voertuie en implemente te
doen. Hy onthou selfs die dae toe Senwes buro-
dienste gehad het. “Basies gebruik ek Senwes op
alle terreine van my boerdery,” sê Paul trots. G’n
wonder hy is al sedert 1984 ’n lid by Senwes nie.
Sy pa Frikkie was ook ’n lid van Senwes.
Paul verklaar onomwonde: “Ek lewer net by
Senwes.” Met Viljoenskroon en Groenebloem
silo slegs 10 km van sy plaas af, is dit baie
gerieflik. Die plase naby Limerick gebruik weer
Potchefstroom Silo. Paul dink dat Senwes weer ’n
trekkerwerktuigkundige diens op Viljoenskroon
kan vestig en deur dit sal meer klante John Deere
gebruik.
TOEKENNINGS
Paul lag terwyl ek die trofees op Vlakvlei
bewonder. “Dis nie regtig waarvoor ’n mens
werk nie,” sê hy. Die trofees sluit in die Bayer-
LNR Platinum-trofees vir sy 2005 en 2006
Bonsmarastoet. Sy fokus is eerder geskoei op
die “produksie van goeie bulle vir kommersiële
boere.”
Paul versamel ook hoedjies
en hier is ook ‘n paar van
Senwes!
Bambi die Yorkie ry oral saam. Daar is
ook drie ander honde met Tommie die
boerboel, Rex die Doberman Pincher
en Spotty die beeshond.
22
APRIL/MEI 2017 • SENWES Scenario
SEISOENE EN REËNVAL
Met boerdery en die ingenieurswêreld sy passies,
kan die artikel nie afgesluit word sonder om
te noem dat hy ’n groot entoesias van reënval-
patrone en seisoene is nie. Hy hou sorgvuldig
rekord van die weerpatrone op sy plaas en is veral
’n voorstaander van prof. Will Alexander, wat die
laaste paar jaar se droogte reeds in 2007, as deel
van die WNNR, voorspel het. Sy voorspellings is
geskoei op die 21-jaar siklusse van sonvlekke.
Paul noem dat hy ’n uitstekende werkerskorps
het maar noem dadelik dat hy sy ouers Frikkie
en Heléne moet noem wat grootliks bygedra het
tot die produsent wat hy vandag is. Boer so voort
Senwes produsent!