•••
KOS VI R D I E SI E L
DS. WILLIE BOTHA
Nogtans...
LEES HABAKUK 3:17-19
OM DIE BEKENDE
VERSE 17 TOT 19
IN HOOFSTUK 3 TE
VERSTAAN IS DIT
NOODSAAKLIK OM
AL DRIE HOOFSTUKKE
TE LEES. DIE EERSTE
TWEE HOOFSTUKKE IS
AANKLAGTE TEEN JUDA
EN BABEL.
H
y kla sy eie
volksgenote aan
vir hulle geweld, onreg,
onderdrukking, twis en
baklei en, dat daar nie meer
reg geskied nie. Habakuk
pleit dus om ingrype van
die Here. Hierop reageer
die Here deur die oordeel
oor sy volk aan te kondig.
Die Galdeërs of Babiloniërs
gaan teen die volk optrek en
hulle verower. Die klag teen
Babel is dat daar ‘n gebrek
aan reg en geregtigheid is.
Ook hierdie nasie sal onder
die oordeel deurloop.
Ballingskap was die
grootste ramp denkbaar.
Ten spyte van die donker
wolk wat oor die toekoms
van Juda gehang het, word
die grootheid van God in
hoofstuk 3 verbeeld. Die
ontsagwekkendheid van
God word treffend geteken.
Hierdie ontsagwekkendheid
is belangrik waarom die
profeet sy vertroue in die
Here kan stel. Dit vorm
as’t ware die motivering
vir die laaste gedeelte.
Die afwesigheid van die
vyeboom, wingerd, olyfoes,
graan en klein- en grootvee
is liggestel ‘n katastrofe. Die
vyeboom was behalwe vir
sy lekker vrug, ‘n simbool
van sekuriteit en voorspoed.
Druiwe was ‘n koninklike
vrug en die wyn is met
feeste en vrolikheid verbind.
Olyfolie is soos botter en
kookvet gebruik en was ‘n
belangrike bestanddeel van
die daaglikse dieet. Koring
en gars was die belangrikste
gewasse wat verbou is en was
natuurlik noodsaaklik vir
meel en brood. Sonder die
diere was daar nie vleis nie
en ook nie vervoer nie. In
kort sou die afwesigheid van
die bogenoemde Israeliete
in ‘n toestand van armoede
en hongersnood dompel.
Dit gaan nie net oor die
ontbering van genoemde
lewensmiddele nie, maar
ook oor die verbeuring van
die volk se identiteit.
Selfs al sou hierdie
ondenkbare tragedie afspeel
is daar nog steeds rede om
in die Here te jubel. Hy gee
nuwe krag. Soos die ribbok
of ibex sal hy oor die hoë en
gevaarlike terrein kan beweeg.
Hoekom sal hy dit kan doen?
Die Here my God gee vir my
krag. Ten spyte van teenspoed
gee die Here krag om deur
die menslik onmoontlike te
kom. Vertroue in Habakuk
handel dus nie oor vertroue
in God vir voorspoed nie.
God gee ons die krag om deur
moeilikheid te kan kom. Om
rats en vaardig daardeur te
beweeg. Droogte vernietig
ook menslik gesproke ons
potensiaal om voort te
bestaan. Dit takel ons fisies en
psigies af. Daar is ook baie
ander uitdagings wat die wind
van voor maak vir die boer
van vandag. Maar dit gaan
oor die “nogtans”. Nogtans
kan ek in die Here jubel,
want Hy is steeds my Here en
my God. Want hy sal vir my
die nodige voete gee om oor
die rofheid van nou te kom.
• Vertroue en geloof is nie
net geloof en vertroue ter
wille van voorspoed nie.
• Vertroue en geloof kan
ook die krag wees, wat
God gee, om deur my
moeilikheid te kan werk.
• Uiteindelik lê ons
waarborg nie in ons
eie vermoë nie, maar
in God se trou en
ontsagwekkendheid.
• Droogte, of ander
swaarkry, kan ons nie
van die bystand van
God beroof nie.
• Ek sal nogtans jubel...